Në Prishtinë të premten u protestua kundër paralajmërimeve për shtrenjtimit të tarifave të rrymës.
Protesta u organizuar nga aktivistët e Kolektivit për Mendim dhe Veprim Feminist.
Fillimisht aktivistët dhe qytetarët kanë protestuar para ndërtesës së KEDS-it, ndërsa është arrestuar edhe një person i moshuar.
Më pas, protestuesit janë ndalur edhe para Qeverisë së Kosovës.
Qytetarët protestues që kundërshtuan rritjen e çmimit të energjisë elektrike i kanë bërë thirrje kryeministrit në detyrë Albin Kurti që të dalë tek ta.
“Hajde poshtë, dil para popullit”, ishte thirrja e protestuesve.
“Një popull nuk i nënshtrohet KEDS-it”, protesta kundër shtrenjtimit të rrymës
“Nuk sakrifikojmë na për KEDS”, “Rryma nuk është luks”, “Një popull nuk i nënshtrohet KEDS-it”, janë mbishkrimet në pankarta që qytetarët mbajnë në duar gjatë protestës për të kundërshtuar mundësinë e rritjes së çmimit të energjisë para objektit të KEDS-it.
Protestuesit në shenjë revolte kanë gjuajtur tymosës në drejtim të objektit të KEDS-it.
Ndërkaq kjo protestë është organizuar nga një grup aktivistësh nga Kolektivi Feminist dhe Përpjekja kundër paralajmërimeve për rritje të çmimit të energjisë elektrike.
Më poshtë Telegrafi ju sjellë fotografi të protestës të shkrepura nga fotoreporteri, Ridvan Slivova. /Telegrafi/
