13 vjet më parë Kosova ishte lajmi i të gjitha mediave botërore. Vëmendja e madhe mediatike dëshmohej me mbi 2000 gazetarë të huaj që qëndronin në kryeqytetin e Kosovës.
Po ndodhte ajo që shqiptarët e prisnin me shekuj, ngjarja më e rëndësishme për popullin që prej çlirimit të vendit në 1999. Kosova po shpallej shtet i pavarur.
Mot i ftohtë ishte në Kosovë në ditën e 17 shkurtit të 2008-ës, por jo për t’i ndalur njerëzit që nga të gjitha anët të mbushnin rrugët në shenjë feste për atë që po ndodhte.
Ani pse askush nuk e kishte idenë si do të dukej flamuri i Kosovës dhe Deklarata e Pavarësisë, qytetarët e dinin se po hapej rruga për të jetuar në një shtet të pavarur, të cilin e kishin ëndërruar me gjenerata.
Rrugëve nëpër të gjitha qytetet e Kosovës valëviteshin flamuj kuq e zi dhe ata të Shteteve të Bashkuara të Amerikës dhe vendeve që ndihmuan në çlirimin e Kosovës nga Serbia.
Ajo që binte në sy ishte fotografia e komandantit legjendar, Adem Jashari, me mbishkrimin “Bac u kry”, fjali kjo që do të bëhej një prej sloganeve më të njohura prej atëherë deri në ditët e sotme.
Derisa rrugët ishin plot, pasditen e 17 shkurtit deputetët u mblodhën në sallën e Kuvendit. Seanca e jashtëzakonshme u mbajt me kërkesë të presidentit dhe kryeministrit të vendit.
Atë kohë drejtonin institucionet kryesore në vend, Fatmir Sejdiu president i Kosovës, Jakup Krasniqi kryetar i Kuvendit dhe Hashim Thaçi kryeministër. Madje ky i fundit pati fatin të lexojë deklaratën e plotë të Pavarësisë së Kosovës.
Mbledhja solemne nisi në orën 15:00 për të kulmuar me deklaratën kryesore pastaj në 15:39 minuta. Atë e nënshkruan pastaj 109 deputetët e pranishëm në sallë.
“Ne, udhëheqësit e popullit tonë, të zgjedhur në mënyrë demokratike nëpërmjet kësaj deklarate shpallim Kosovën shtet të Pavarur Demokratik”, lexoi kryeministri i atëhershëm, Hashim Thaçi.
“Kosova po e hap sot një faqe të re të historisë dhe po e ndërron hartës politike të Evropës, duke lënë pas kujtimet e hidhura të urrejtjet dhe konflikteve tragjike që i përjetuam ne po hymë ne epokën e Pavarësisë, të paqes dhe përparimit të vendit tonë”, deklaroi kryeparlamentari i atëhershëm Jakup Krasniqi.
Hashim Thaçi e Jakup Krasniqi, dy prej figurave kryesore të Ushtrisë Çlirimtare të Kosovës dhe të politikës së pasluftës në Kosovë, sivjet për të parën herë nuk marrin pjesë në shënimin e përvjetorit të Pavarësisë së Kosovës.
Që prej shpalljes së Pavarësisë, Thaçi nuk iu nda skenës politike, me poste qeveritare e së fundmi komandant suprem i ushtrisë së Kosovës.
Por, që prej nëntorit të vitit 2020 Thaçi e Krasniqi po qëndrojnë në paraburgim në Hagë, në Gjykatën Speciale të cilën vet deputetët e Kuvendit të Kosovës e votuan në gusht të 2015-ës, dhe e njëjta ka mandat të hetojë krimet e pretenduara të luftës në Kosovë.
Formimit të Speciales i parapriu një rezolutë në Këshillin e Evropës që kërkonte hetim mbi supozimet e senatorit zviceran Dick Marty. Ai pretendonte se pjesëtarë të UÇK-së kanë kryer krime lufte dhe kanë trafikuar organe të serbëve të vrarë gjatë luftës në Kosovë.
Bashkë me Thaçin e Krasniqin në Hagë janë edhe ish-luftëtarët Rexhep Selimi, Kadri Veseli dhe Salih Mustafa.
Përveç kësaj, përvjetori i sivjetmë i Pavarësisë së Kosovës e gjen vendin të sapo dalë nga zgjedhjet parlamentare dhe me një qeveri në detyrë.
Javët në vazhdim pritet të shënohen me formimin e institucioneve të reja nga partia e Albin Kurtit, që është fituese e zgjedhjeve që u mbajtën më 14 shkurt.
Rikujtojmë se në vitin 2005, Sekretari i atëhershëm i Kombeve të Bashkuara, Kofi Annan e emëroi Martti Ahtisaarin si Përfaqësues Special në Kosovë. Në vitin 2007, Ahtisari i prezantoi Këshillit të Sigurimit të OKB-së raportin në të cilin thuhej se Kosova duhet të jetë e pavarur. Nga ana tjetër, Serbia e refuzoi këtë, duke rekomanduar “autonomi të mbikëqyrur”.
Në linjë me Planin e Ahtisarit dhe Rezolutën 1244 të OKB-së, më 17 shkurt të vitit 2008, Kosova shpalli pavarësinë.
Edhe pse Pavarësinë e Kosovës, deri më tani e kanë njohur mbi 100 shtete të botës, përfshirë së fundmi edhe njohjen nga Izraeli, me bllokimin e Rusisë, mbështetësja më e madhe e Serbisë në arenën ndërkombëtare, Kosova ende nuk është anëtare e OKB-së. /KP/
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Limaj: Nuk duhet të shkojmë në zgjedhje kur dëshiron Kurti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes