Një nga momentet më zemërthyes këtë edicion: Jude Bellingham nuk i ndali lotët në dëshpërimin e Dortmundit për titull

Jude Bellingham ishte dukshëm emocional teksa largoi një kamerë televizive pasi Borussia Dortmund  humbi titullin e Bundesligës.

Skuadra e Edin Terzic e filloi ditën me dy pikë epërsi ndaj Bayern Munich, por mundi vetëm të barazonte 2-2 me Mainz të shtunën.

Ata ishin duke humbur 2-0 brenda 25 minutave, por goli i barazimit të Niklas Sule në minutën e 96-të erdhi shumë vonë që nikoqirët të kapnin titullin.

Pasi kaluan në epërsi të hershme në ndeshjen e tyre kundër Koln, Bayern u djersit kur Dejan Ljubicic barazoi nga penalltia në 10 minuta të mbetura.

Jamal Musiala i ktheu mysafirët në avantazh në minutën e 89-të për të  konfirmuar fitoren dhe një tjetër titull në Bundesligë  për skuadrën bavareze.

Dy të parët përfunduan me 71 pikë, por lojtarët e Thomas Tuchel kishin golavalencë shumë më të mirë.

🎥 | A heartbroken Jude Bellingham pushes a TV camera away from him… 😢
pic.twitter.com/yVbHwDcrSI

— CentreGoals. (@centregoals) May 27, 2023

Bellingham dukej i emocionuar pas fishkëllimës së fundit, pasi mbajti fanellën në fytyrë përpara se të largonte një kamerë televizive që po afrohej.

Sezoni i tretë i 19-vjeçarit në Gjermani duket se është i fundit, me yllin anglez që ka shënuar 14 gola në 42 ndeshje në të gjitha garat.

Bellingham po kërkohet nga Real Madridi dhe thuhet se është arritur një marrëveshje në vlerë 100 milionë euro me Dortmundin. /Telegrafi/