Një lëkurë e mirë, rutina nga e cila nuk duhet të lëshojmë ‘pe’ – flet dermatologia Krasniqi

Dermatologia Dafina Krasniqi në podcastin “Shëndeti në rend të parë” ka folur për rëndësinë e mirëmbajtjes së lëkurës, trajtimet e maskat në mënyrë që të kemi një lëkurë të shëndetshme e të shndritshme.

Krasniqi ka folur për rutinë të cilën duhet ta kemi dhe nga e cila nuk duhet të lëshojmë pe për të pasur një lëkurë të mirëmbajtur.

“Unë preferoj në mbrëmje të masazhohet lëkura me një vitaminë C pas pastrimit të fytyrës dhe qafën… Ka kremra me apliku edhe përfundi syve. Ndërkaq, në mëngjes pastrimi i fytyrës, krem hidratues dhe pa SPF mos me dal…”, tha ajo.

Dermatologia tutje theksoi se edhe dimrit ka rreze dielli që mund të shkaktojnë dëm në lëkurë.

“Në katër stinët e vitit është mirë me apliku SPF para se me nisë ditën…”, tha ajo.

Podcasti “Shëndeti në rend të parë” mbështetet nga kompania Muqa Solar.

Podcastin e plotë mund ta shikoni në kanalin e Telegrafit në YouTube. /Telegrafi/