Një episod i ri dëshmon se ka një problem të madh me Mbappen dhe Vinicius Jr në të njëjtin ekip

Kylian Mbappe dhe Vinicius Junior si duket po hasin në vështirësi në partneritetin e tyre te Real Madridi në këtë fillim të sezonit 2024/25.

Sulmuesi francez u transferua këtë verë te Real Madridi si lojtar i lirë, pasi vendosi të mos rinovojë kontratën e tij me Paris Saint-Germain.

Transferimi i tij bëri bujë të madhe dhe pritshmëritë ishin të mëdha në shkëlqimin e Mbappes në Bernabeu, por edhe në partneritetin e tij me brazilianin Vinicius Jr.

Megjithatë, kjo dyshe deri tani nuk po arrin të lë gjurmë pasi Mbappe nuk ka arritur të gjej as golin dhe as asistimin në tri ndeshjet e para në La Liga.

Përveç kësaj, në një nga episodet e barazimit të Real Madridit kundër Las Palmas, Mbappe dhe Vinicius u panë duke u përplasur në të njëjtën zonë njëri pas tjetrit.

Kjo duket kaq e sikletshme për tifozët e Real Madridit, por mund të justifikohet me arsyen se është vetëm fillimi i sezonit.

Komentet e fansave ndaj këtij episodi ishin nga më të ndryshmet, por të gjithë kritikuan të dy lojtarët, pasi po kërkojnë driblimet vetëm nga ana e majtë dhe nuk po bashkëveprojnë me njëri-tjetrin. /Telegrafi/

@foo5y_

Mbappe & Vinicius Can’t Play Together😢 #foryourpage

♬ original sound – Foo5y