Një enigmë që vetëm 36 për qind e njerëzve mund ta zgjidhin: Në cilën kapelë është macja?

Nëse jeni gati, lexoni se cila është detyra

Shumë shpesh në rrjetet sociale hasim enigma të ndryshme, herë më të lehta, herë pak më të vështira. Megjithatë, ka një enigmë që vetëm 36% e njerëzve që thellohen në këtë “problem” arrijnë ta zgjidhin.

Detyra quhet “Macja me kapelë” dhe u shfaq në kanalin Youtube “Mend Your Decisions”, transmeton Telegrafi.

Nëse jeni gati, lexoni se cila është detyra.

Rregulli: Ka vetëm një mace në një kapelë. Dhe vetëm një pohim nën këto kapela është i vërtetë.

Kapela 1: Macja është në këtë kapelë.
Kapela 2: Macja nuk është në këtë kapelë.
Kapela 3: Macja nuk është në kapelën 1.

E gjithë kjo tregohet në ilustrim.

Në cilën kapelë është macja?

A e dini përgjigjen?

Nëse dëshironi ta vërtetoni, lexoni tekstin më poshtë.

Kjo është përgjigjja dhe logjika pas saj:

Së pari, duhet të supozoni se macja është në të gjitha kapelat. Pastaj ju duhet të kuptoni se cila nga këto tri pohime është në të vërtetë e saktë dhe cilat dy jo.

Nëse macja është në kapelën 1, atëherë dy pohimet e para janë të vërteta. E treta nuk është.

Nëse shikojmë kapelën 3 dhe nëse ka një mace, atëherë pohimet e dyta dhe të treta janë të vërteta, ndërsa e para jo.

Nëse macja është në kapelën 2, atëherë dy pohimet e para nuk janë të vërteta dhe vetëm e treta është.

Kjo çon në faktin se në këtë rast vetëm një pohim është i vërtetë, pra macja është në kapelën 2, megjithëse poshtë saj është pohimi që macja është pikërisht aty. /Telegrafi/