Një detaj i panjohur është vënë re në trurin e njerëzve në çastet e vdekjes – fillon 30 sekonda pasi zemra ndalon!

Shkencëtarët janë një hap më afër për të mësuar rreth përvojave që njerëzit kishin pak para vdekjes

Shkencëtarët nga Universiteti i Michiganit në SHBA zbuluan një valë të pazakontë aktiviteti në trurin e dy njerëzve në çastet e vdekjes, që mund të jetë një shpjegim për fenomenin e përvojave afër vdekjes

Sipas një studimi të ri të botuar në revistën PNAS, një valë aktiviteti që të kujton zgjimin ndodh në trurin e njeriut në çastet e vdekjes, madje edhe pasi personi ndërpret frymëmarrjen.

“Nëse po flisni për procesin e vdekjes, ne dimë shumë pak”, tha Jimo Borjigin, neuroshkencëtar në Shkollën Mjekësore të Universitetit të Michiganit që udhëhoqi studimin, transmeton Telegrafi.

“Ky mbase mund të jetë studimi i parë që vërtet tregon sekondë pas sekonde sesi truri vdes. Ndërsa mekanizmat dhe rëndësia fiziologjike e këtyre gjetjeve ende nuk janë eksploruar plotësisht, këto të dhëna tregojnë se truri që po vdes mund të jetë ende aktiv”, thotë neuroshkencëtari.

Studiuesit ndoqën katër persona të cilëve iu hoqën aparatet e mbajtjes në jetë dhe zbuluan se dy kishin shpërthime të valëve gama, të cilat janë disa nga valët më të shpejta të trurit që mund të përjetoni.

Lexo po ashtu Çfarë ndien personi në momentin e vdekjes? A mund të ndiejë prekjen tonë, të dëgjojë fjalët tona...?

Kjo ndodhi rreth 30 sekonda deri në dy minuta pasi pacientët u shkëputën nga aparati. Autorët e studimit shpjeguan se këto valë gama mund të nënkuptojnë se pacientët përjetuan një formë të vetëdijes, të ngjashme me një gjendje të kthjellët. Vala fillestare e valëve gama u vendos në një zonë të trurit që konsiderohet të jetë qendra e të ashtuquajturave mbetje nervore të vetëdijes.

Lexo po ashtu Ky studim intrigon me publikimin që imazhet e jetës mund “të fluturojnë” para syve tanë në momentet e fundit

Një model i ngjashëm aktiviteti u vu re gjatë gjumit te pacientët me konvulsione, të cilët raportuan se kishin përjetuar halucinacione dhe përvoja jashtë trupit. Kjo pjesë e trurit përfshin shqisat njerëzore, të cilat mund të shpjegojnë pse përvojat afër vdekjes që njerëzit raportojnë janë kaq të gjalla.

Komunikimi midis hemisferave të trurit konsiderohet gjithashtu thelbësor për kujtesën. Asnjë nga pacientët e vëzhguar nuk mbijetoi, kështu që ai nuk mund të tregonte saktësisht se çfarë pa, ndjeu apo përjetoi në momentet e fundit të jetës së tij. Në vitin 2013, neuroshkencëtari dhe një grup studiuesish studiuan gjithashtu aktivitetin e trurit të minjve dhe zbuluan se ata gjithashtu përjetuan një shpërthim të valëve gama rreth 30 sekonda pasi zemra e tyre ndaloi.

Një studim i ngjashëm i kryer mbi një burrë 87-vjeçar, i kryer nga një grup i ndryshëm mjekësh në vitin 2022, tregoi se e njëjta gjë i ndodhi atij si me minjtë – 30 sekonda para dhe pasi zemra i ndalonte, kishte dallgë të valëve gama në trurin e tij. /Telegrafi/