Një çift i sapomartuar mori vëmendje në turmë, ndërsa iu bashkua festës pas suksesit të Kroacisë në Katar 2022

Një numër i madh i tifozëve të kombëtares kroate u mblodhën në Split për të mirëpritur Vatre-n e njohur dhe mes tyre Ivana dhe Dino, një çift i sapomartuar që morën vëmendje në Riva me fustan nusërie dhe kostum elegant.

Në Rivën e Splitit që në orët e para të pasdites, tifozë të shumtë filluan të mblidhen për të festuar medaljen e bronztë të fituar nga kombëtarja kroate e futbollit.

Pas festës qendrore që u mbajt dje në Zagreb, organizuan një pritje zyrtare për Marko Livaja, Ivo Grbiq, Mario Pashalic, Ivan Perisic, Josip Juranovic dhe Nikola Vlashic.

Ndërsa pjesa më e madhe e të mbledhurve kishin veshur fanella të kombëtares dhe veshje me motive flamuri, pra bardh e kuq, në turmë u dallua një çift.

Të sapomartuarit Ivana dhe Dino mbërritën në festë me fustan nusërie dhe kostum – edhe pse u martuan të shtunën, ata patën një fotosesion zyrtar, pas së cilit nxituan në Riva.

Lexo po ashtu Kroacia më e fortë se Maroku, zë vendin e tretë në botë

Të veshur formalisht, dyshja shkuan drejt skenës, ku u fotografuan nga një gazetar i Pixsella.

Në mbarë Kroacinë sot janë organizuar pritje për përfaqësuesit, ndërsa përveç në Split, ceremoni janë mbajtur edhe në Varazhdin, Zadar dhe në Velika Gorica.

Kroacia ndryshe ka shënuar fitore ndaj Marokut me rezultat 2-1, në ndeshjen e vlefshme për vendin e tretë në Kupën e Botës Katar 2022. /Telegrafi/