Një burrë i martuar i dërgon mesazhe private Bebe Rexhës, këngëtarja i kërkon ta lërë të qetë

Këngëtarja shqiptare me famë ndërkombëtare, Bebe Rexha, është e ndjekur nga një numër i madh ndjekësish në rrjetet sociale.

Shpesh, ajo preferon të ndajë me ta fotografi dhe video të ndryshme nga jeta e saj e përditshme.

Ditët e fundit të vitit 2018, Bebe Rexha është duke i kaluar në shtëpi pranë të afërmve të saj.

Së fundmi, ajo vendosi të ndajë me fansat në InstaStory një shqetësim të vogël, që ka të bëjë me një djalë të cilin ajo e ka njohur dikur.

“A keni pasur një djalë që gjithmonë hyn dhe del nga jeta jote”, pyet fansat këngëtarja shqiptare në imazhin e parë.

Tutje, ajo publikon bisedën se si një nga këta djemtë që kishte njohur, e që tani është i martuar, i ka shkruar sërish asaj duke e pyetur se kur mund ta shohë?

Ndërkohë në përgjigjen e saj, Bebe i tregon se do të perfomrojë në eventin e vitit të ri në NBC, ndërsa i uron edhe festën.

I mos kënaqur nga përgjigjja, djaloshi i shkruan asaj se nuk e kishte fjalën për ta parë në televizor, por duke performuar live.

Ndërsa përgjigjja që i jep Bleta (emri i vërtetë i këngëtares), është se në janar ajo do të performojë në San Jose.

E lodhur nga kjo situatë, këngëtarja Rexha publikon edhe disa shkrime të tjera duke i pyetur fansat nëse është e mundur që një djalë i martuar t’i shkruajë shoqes së dikurshme, duke iu drejtuar me “shoqja ime”.

Dhe shkrimi i fundit që Bleta ndau me ndjekësit e saj kishte të bënte pikërisht me një mesazh drejtuar këtij djaloshi që e ka shqetësuar me mesazhe.

“Ti je i martuar dhe ke tri fëmijë. Bëhu një model i mirë për ta, luaj sportet e tua dhe më lër mua të qetë”, ka shkruar Bleta në përgjigjen e saj përfundimtare në InstaStory.

Përndryshe, në aspektin profesional ky vit ka qenë një ndër më të suksesshmit në karrierën e këngëtares. /Telegrafi/