Një 10-vjeçar zgjohet nga koma – ishte nga të mbijetuarit pas përplasjes së dy helikopterëve në Australi

Një djalë 10-vjeçar australian, i cili u lëndua rëndë dy javë më parë kur dy helikopterë u përplasën – nga ku mbetën katër të vdekur – ishte zgjuar nga koma në spital dhe kishte mbajtur dorën e babait të tij.

Nicholas Tadros mbeti në Spitalin e Fëmijëve në Queensland në Brisbane, ku stafi mjekësor e përshkroi gjendjen e tij të hënën si “kritike, por të qëndrueshme”, shkruajnë mediat e huaja, përcjell Telegrafi.

Nëna e tij, Vanessa Tadros, 36 vjeçe, u vra kur dy helikopterë u përplasën gjatë fluturimeve më 2 janar në qytetin turistik të Gold Coast, 80 kilometra (50 milje) në jug të Brisbane.

Nicholas mbeti në një ventilator për të mbështetur frymëmarrjen e tij dhe ishte planifikuar për më shumë operacione.

Së bashku me nënën e Nicholas, çifti britanik Ron dhe Diane Hughes dhe piloti Ashley Jenkinson u vranë gjithashtu në përplasjen që po hetohet nga Byroja Australiane e Sigurisë së Transportit.

Viktimat e tjera që qëndrojnë në spital janë një nënë 33-vjeçare dhe djali i saj 9-vjeçar. Gjendja e tyre vlerësohet si e qëndrueshme. /Telegrafi/