Nikolloski: Maqedonia mbron kufirin e jashtëm të Evropës pa qenë anëtare e BE

Aleksandar Nikollovski, deputeti i OBRM-PDUKM sot ka folur para Asamblesë Parlamentare të Këshillit të Evropës ku është shqyrtuar Raporti për gjendjen me refugjatët në Greqi, transmeton Telegrafi Maqedoni.

“Evropa po ballafaqohet me një nga sfidat më të mëdha humanitare pas Luftës së Dytë Botërore. Shumë njerëz ikin nga lufta dhe kryesisht nga Siria. Kjo është arsyeja pse neve na duhet qasje e përbashkët evropiane. Qasja e cila do t’u jap trajtim humanitar  këtyre njerëzve me fat të keq”, ka thënë deputeti Nikollovski.

Sipas Nikollovskit, raporti në shumë vende është i njëanshëm dhe i pasaktë, ndërsa si shembull theksoi se shfrytëzohen fjalët si “realitet brutalë për Greqinë” apo “barrë jo proporcionale”, “për shkak vendit të Greqisë në hartën gjeografike”.

Duke informuar për sfidat me të cilat ballafaqohet Republika e Maqedonisë për shkak vendit të saj në hartën gjeografike tha se situata në Maqedoni është më shumë se specifike, duke pasur parasysh presionin me të cilin ballafaqohet nga emigrantet ilegal në kufirin jugor, që, theksoi është praktikisht kufij i jashtëm i Bashkimit Evropian.

“Kjo do të thotë se Maqedonia ballafaqohet me situatë krize e cila vjen nga një vend anëtar i Unioni, e cili gjithashtu është anëtarë i marrëveshjes së Shengenit. Më saktë, vendi fqinj i joni, Republika e Greqisë në mënyrë të organizuar, çdo ditë transportonte mijëra emigrantë në kufirin tonë, ka vazhduar Nikollovski.

Popullsia përgjithshme në Maqedoni, ka shtuar ai, numëron dy milionë qytetarë, Që ta ilustroj këtë pikë unë vetëm do të përmend se më 11 shtator, në vetëm një ditë, 10.400 emigrantë kanë hyrë në vendin tonë.

Ai theksoi se Republika e Maqedonisë tenton të sigurojë qasje humane të gjithë refugjatëve nga lufta dhe theksoi se nuk është e saktë ajo që thuhet në Raport se e kanë mbyllur kufirin.

“Këtu flukse të refugjatëve, kërkojnë rritje të bashkëpunim mes vende të Bashkimit Evropian,  dhe neve na duhet përgjegjësi e përbashkët evropiane dhe numër i konfirmuar bashkarish i emigrantëve të cilët përmenden dhe pranojnë nga të gjitha vendet e Bashkimit Evropian. Jo vetëm në Gjermania , por të gjitha vendet nga Bashkimi Evropian  duhet të tregojnë solidaritet, të bashkëngjiten në këtë fazë, të japin mbështetje në atë që Gjermani e bënë. Edhe vendet tjera anëtare të Bashkimit duhet të ndihmojnë” ka thënë Aleksandar Nikollovski./Telegrafi/