Nga kreativiteti në karrierë – Telegrafi po kërkon “Content Writer” të talentuar

Telegrafi, një nga super-brendet më të njohura shqiptare, ka njoftuar hapjen e një konkursi të ri për dy pozita Content Writer në Prishtinë.

Ky është një rast i shkëlqyer për ata që dëshirojnë të kontribuojnë në botën e mediave dhe marketingut, duke u bërë pjesë e një ekipi që i kushton rëndësi të veçantë inovacionit dhe trendeve bashkëkohore.

Detyrat dhe përgjegjësitë e Content Writer

Bashkëpunon me ekipin për të krijuar ide dhe koncepte për klientët.

Shkruan content të qartë, atraktiv dhe pa gabime drejtshkrimore për klientët.

Takohet me klientët për ta kuptuar mesazhin e tyre, zërin e brendit dhe audiencën e targetuar.

Propozon koncepte të artikujve për ta fuqizuar një kompani, për t’ia rritur imazhin apo për t’ia rritur shitjet dhe pastaj i implementon ato.

Bashkëpunon me klientët për t’i edituar dhe modifikuar artikujt në mënyrë që t’iu përshtatet kërkesave të tyre. 

Aftësitë dhe kualifikimet e kërkuara

Kandidatët duhet të kenë aftësi të shkëlqyeshme komunikimi në gjuhën shqipe dhe angleze.

Përvoja e mëparshme prej minimum një viti në Content Writing, gazetari apo marketing është e nevojshme për të aplikuar.

Ju përfitoni:

Telegrafi ofron një sërë përfitimesh për punonjësit e saj, duke përfshirë:

Asistencë edukimi dhe trajnime shtesë.

Anëtarësim falas në palestër.

Voucher falas për analiza dhe diagnostifikme shëndetësore.

Zbritje speciale në librarinë Dukagjini.

Hapësirë moderne e punës e karakterizuar me teknologji të lartë.

Mbulim të shpenzimeve telefonike (Minuta, SMS e internet).

Si të aplikoni

Kandidatët e interesuar duhet të dërgojnë CV-të e tyre në adresën e-mail: hr@telegrafi.com, duke përfshirë subjektin “APLIKIM PËR PUNË PËR POZITËN CONTENT WRITER”.

Afati i fundit për aplikim është data 24 janar 2025. Vetëm kandidatët e përzgjedhur do të kontaktohen për një intervistë.

Nëse jeni të pasionuar pas shkrimit dhe dëshironi të bëheni pjesë e një ekipi që synon përsosmërinë dhe inovacionin, mos e humbisni këtë mundësi unike për të zhvilluar karrierën tuaj në Telegraf.