Nga BE-ja thonë se në Hungari është përkeqësuar situata sa i përket sundimit të ligjit

Nga Komisioni Evropian thonë se performanca e Hungarisë mbi sundimin e ligjit është përkeqësuar vitin e kaluar, sidomos kundër të drejtave të komunitetit LGBT dhe përgjimet e pjesëtarëve të opozitës, gazetarëve dhe biznesmenëve, raporton euronews.

I ashtuquajturi “Artikulli 7” hyri në fuqi kundër qeverisë populiste të Hungarisë rreth 4 vite më parë, qeveri e udhëhequr nga Viktor Orban, në mënyrë që ta kthejnë Hungarinë në vlerat e BE-së, por deri tani ka progres shumë të vogël, përcjell Telegrafi.

Por Budapesti zyrtar qëndron palëkundshëm ndaj këtij ligji, duke mos ndërmarrë hapa të mëtutjeshëm, hapa që do ta gëzonin Brukselin zyrtar, duke u bazuar në deklaratat e ministres hungareze të drejtësisë, Judit Varga.

“Mesazhi i qartë ndaj BE-së është se në zgjedhjet e 3 prillit, populli hungarez vendosi për të ardhmen e tyre. Populli gjithashtu sheh se çka bën Evropa, dhe përgjigja e tyre ndaj ligjit nga “Artikulli 7”, është se ata e mbështesin politikën e qeverisë hungareze ndaj Evropës dhe ndaj të gjitha çështjeve lidhur me sundimin e ligjit”, deklaroi Varga.

“Ata e dinë se ajo që qeveria konservatore hungareze po e bënë është mirë për popullin hungarez, dhe një mandat i dhënë nga më shumë se tre milionë votues jep një mbishkrim mbi gjithçka dhe jep përgjigjet e duhura ndaj çdo gjëje”, shtoi më tutje ministrja Varga. /Telegrafi/