167 mijë qytetarë kanë aplikuar për tu pajisur me pasaportë të Kosovës, që nga fillimi i liberalizimit të vizave.
E për të marr një dokument të tillë, ata duhet të presin deri në dy muaj.
Nga MPB-ja nuk kanë treguar nëse fluksi është arsye për vonesa të tilla, por kanë treguar se aplikimet për tu pajisur me pasaportë kosovare janë shtatëfishuar në komunat e banuara me shumicë serbe.
Radha në Qendrën e regjistrimit civil në Prishtinë, për të aplikuar për dokumente është e gjatë, e pritjet janë tërë ditore aty.
Por, përveç pritjes për të kryer aplikimin, qytetarëve të Kosovës u duhet pastaj të presin deri në dy muaj që të pajisen me pasaportë.
Kjo sipas qytetarëve po u shkakton probleme, në planifikimin e udhëtimeve të tyre.
“Unë kam ardh sot me bë aplikimin edhe kemi ardhur me bashkëshortin, që ma shumë se dy ore këtu e pam që është numri kur erdhëm 53, tek tash pas dy ore ka shkuar pak në 100, ne e kemi numrin 228, dmth qysh po e shohim kemi me prit edhe dy ore minimum, me ardh radha jonë me bë aplikimin, kam një familjare që ka treguar se ka aplikuar që 2 muaj dhe ende nuk i ka dalë pasaporta,” u shpreh qytetarja, Flutura Gashi.
Gashi shton se institucionet duhet të hapin edhe qendra të tjera, për të aplikuar për pasaportë, për të shmangur tollovit që krijohen.
“Gjithqysh ish dashtë me pas shtim të stafit, por mendoj se është dashur të bëhet edhe njëfar decentralizimi i kësaj qendrës së regjistrimit, ose më mirë qendrës ku bëhet aplikimi për dokumente, se është shumë e centralizume dhe të gjithë po vijnë,” shtoi Gashi.
Fluks i qytetarëve këtë të hënë ishte edhe në Aeroportin e Prishtinës Adem Jashari. Derisa disa thanë se institucionet është dashur të shtojnë kapacitetet pas liberalizimit të vizave, disa lënë vetë qytetarët fajtor.
“Unë nuk e kam pasur këtë problem, sepse e kam siguruar me kohë por ju e dini që ne i ruajmë gjërat në momentin e fundit, ti kryejm dhe ato nuk bëhen përnjëherë,” tha qytetari Sutki Hulaj.
“Paj ka vonesa normal, se të gjithë përnjëherë nuk munden me shku…nja 45 ditë,” shtoi një tjetër qytetar, Sami Dervishi.
Nga Ministria e Punëve të Brendshme, nuk kanë kthyer përgjigje në lidhje me arsyen e vonesave për tu pajisur me pasaportë, por vetëm kanë thënë se këtë vit ka pasur fluks të madh të aplikimeve, përfshirë qytetarët e nacionalitetit serb.
“Po ka pasur kërkesa krahasuar me vitin paraprak për periudhën e njëjtë, numri i aplikimeve për pasaportave nga data 1 janar 2024 deri me sot është 167603. Edhe në komunat veriore ka një rritje të lartë të aplikimeve për pasaportë, krahasuar me periudhën e njëjtë të vitit paraprak, ka një rritje për shtatë herë më të madhe.”
Vonesa në marrjen e dokumenteve, ka pasur edhe një vit më parë për shkak të mungesës së materialit.
Promo
Reklamo këtuLufta Prigozhin - Putin
Më shumëNga Rubrika
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
Bujar Osmani: Qytetarët janë të lirë të vendosin vetë për zgjedhjet presidenciale
Kërkohet ligj për Gjergj Kastriotin – Skënderbeun, propozohet 28 tetori si festë kombëtare
Ndalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'