Galatasaray ka marrë një fitore të madhe në Ligën e Evropës, në udhëtim te Lokomotiva e Moskës.
Gjiganti turk fitoi me rezultat minimal 0-1, por që ishin tri pikë shumë të vlefshme pasi tani udhëheqin ne Grupin E me shtatë pikë.
Megjithatë para fillimit të ndeshjes është bërë një gabim nga organizatori i ndeshjes, që në këtë rast ishte klubi rus Lokomotiva e Moskës.
Në televizionin gjigant ku shfaqen fillimisht formacionet e pastaj edhe rezultati, kishte një gabim që më vonë u bë viral në rrjetet sociale.
Kur erdhi momenti të shfaqej formacioni i Galatasarayt, logo e klubit turk ishte mirë dhe emri i trajnerit Fatih Terim, por te lojtarët diçka nuk ishte në rregull.
Të gjithë emrat e lojtarëve ishin të Bayern Munichut, duke filluar nga Manuel Neuer deri tek Thomas Muller.
Formacioni qëndroi për disa minuta aty, pastaj u përmirësua nga organizatori i ndeshjes, por fotot janë bërë viralë rrjet, ku ndër komentet më të shpeshta ishin se Galatasaray me këtë ekip është favoriti kryesor për ta fituar Ligën e Evropës, apo gjiganti turk ka bërë transferimet më të mëdha ndonjëherë. /Telegrafi/
