Netflix ka njoftuar një raund tjetër të shkurtimeve të vendeve të punës, ndërsa përballet me ngadalësimin e rritjes dhe rritjen e konkurrencës.

Gjigandi i transmetimit tha se po shkurtonte 300 vende pune të tjera – afërsisht 4 për qind të fuqisë së tij punëtore – kryesisht në SHBA, pasi largoi 150 njerëz gjatë muajit maj.

Lëvizjet vijnë pasi kompania raportoi humbjen e parë të abonentëve në më shumë se një dekadë në muajin prill, raporton bbc.

Netflix-i largon 150 punëtorë nga puna për shkak të humbjes së abonentëve Netflix-i largon 150 punëtorë nga puna për shkak të humbjes së abonentëve

Firma po eksploron një shërbim të mbështetur nga reklamat dhe po lufton ndarjen e fjalëkalimeve ndërsa përpiqet të nxisë rritjen.

“Ndërsa ne vazhdojmë të investojmë në mënyrë të konsiderueshme në biznes, ne i bëmë këto rregullime në mënyrë që kostot tona të rriten në përputhje me rritjen tonë më të ngadaltë të të ardhurave”, tha Netflix në një deklaratë të enjten, duke shtuar se po vazhdonte të punësonte në fusha të tjera.

Ndërsa Netflix ka 220 milionë abonentë globalisht dhe mbetet lider i qartë në tregun e transmetimit, ai është përballur me konkurrencë të ashpër vitet e fundit pas ardhjes në jetë të platformave rivale si Disney Plus dhe Prime Video të Amazon. /Telegrafi/