Netflix konfirmon se sezoni i dytë i “Squid Game” do të publikohet këtë vit, bashkë me serialet “The Diplomat” dhe “Bridgerton”

Netflix njoftoi se sezoni i dytë i serialit të famshëm “Squid Game” do të debutojë këtë vit së bashku me sezonet e reja të serialeve “The Diplomat” dhe “Empress”.

Platforma Netflix i tha investitorëve në një letër se “pavarësisht se grevat e vitit të kaluar shtynë lansimin e disa titujve, ne kemi një listë të guximshme dhe të madhe për vitin 2024”, shkruan DailyMail.

“Squid Game” filloi transmetimin në Netflix më 17 shtator 2021 dhe shpejt fitoi famë si një fenomen i kulturës pop, duke u bërë seriali më i shikuar në historinë e kompanisë. Në debutimin e tij në vjeshtën e vitit 2020, “Squid Game” grumbulloi më shumë se 1.65 miliard orë shikimi në një periudhë 28-ditore, me më shumë se 111 milionë llogari të sintonizuara në dramën e Koresë së Jugut.

Lexo po ashtu Për nominimin jo të mjaftueshëm të "Barbie", reagon edhe eksperti i "Oscars": Ky diskriminim do të mbahet mend gjatë

Aktorët që do të rikthehen në sezonin e parë përfshijnë Lee Byung-hun që do të luajë rolin e Front Man, ndërsa Wi Ha-jun do të portretizojë Jun-ho dhe Gong Yoo do të luajë shitësin.

Shtimi i ri në kast për sezonin e dytë do të përfshijë emra të njohur koreano-jugorë si: Yim Si-wan, Kang Ha-Neul, Park Sung-hoon dhe Yang Dong-geun, Park Gyu-young, Jo Yu-ri, Kang Ae-sim, Lee David, Lee Jin-uk, Choi Seung-hyun, Roh Jae-won dhe Won Ji-an.

Hwang Dong-hyuk do të shërbejë si regjisor dhe producent ekzekutiv në sezonin e dytë të serialit,i cili është planifikuar të fillojë prodhimin më vonë këtë vit. Lajmi për rikthimin e serialit “The Diplomat” vjen rreth tetë muaj pasi u rinovua për sezonin e dytë.

Seriali “Bridgerton”, i cili prodhohet nga kompania “Shondaland” e Shonda Rhimes, do të fillojë transmetimin e sezonit të tij prej tetë episodave më vonë këtë vit në dy instalime, më 16 maj dhe 13 qershor.

Kompania ditën e martë raportoi se ka shtuar 13.1 milionë abonentë në tremujorin e dhjetorit, rritjen më të madhe të abonentëve për tremujorin e katërt, duke tejkaluar projeksionet e pritshme prej 8.97 milionë. Kjo e çon numrin total të abonentëve në 260 milionë.

Kompania Netflix paraqiti rezultate që kaluan parashikimet e abonentëve të Wall Street në tremujorin e katërt, të drejtuar nga një sërë emisionesh të fuqishme që përfshinin sezonin final të dramës mbretërore të gjatë “The Crown” dhe filmin origjinal të David Fincher, “The Killer”.

Netflix tha se reklamat ende nuk janë një burim kryesor i rritjes së të ardhurave, por synimi është që kjo të ndryshojë deri në vitin 2025.

Kompania i atribuoi fitimet në forcat e pronës intelektuale të saj, duke përfshirë “Squid Game: The Challenge”, reality show bazuar në serialin më të shikuar të televizionit; seria e re origjinale si “All the Light We Cannot See”; filma të veçantë si “Rebel Moon: A Child of Fire” i Zack Snyder dhe programimi në gjuhë të huaja, duke përfshirë sezonin e tretë të “Lupin” nga Franca. Gjithashtu u përmend kërkesa e fortë për titujt e licencuar.

“Duke shikuar përpara, pavarësisht se grevat e vitit të kaluar shtynë lansimin e disa titujve, ne kemi një listë të guximshme dhe të madhe për 2024”, tha kompania.

Antenna Research gjeti se Netflix ka normën më të ulët mujore të braktisjes ndër shërbimet e transmetimit të filmave, me vetëm dy për qind të abonentëve që anulojnë në muajin dhjetor. Kompania së fundmi njoftoi se kishte 23 milionë përdorues aktivë globalë në versionin e shërbimit me reklama, nga 15 milionë në nëntor. /Telegrafi/