Nëse Liverpooli i fiton gjashtë ndeshjet e ardhshme, Manchester City duhet t’i bëjë korridorin e nderit

Liverpooli është shumë afër të fitojë titullin e parë të Ligës Premier pas më shumë se 30 vitesh.

Skuadra e Jurgen Kloppit është 22 pikë larg vendit të dytë, Manchester Cityt, që njëherësh është edhe kampion në fuqi në ligën angleze pas humbjes 2-0 të Citizens ndaj Tottenham Hotspurit.

Ajo çfarë duhet të bëjë Liverpooli është vetëm të fitojë, në fakt duhet t’i fitojë vetëm edhe gjashtë ndeshjet e ardhshme dhe gara për titull është e përfunduar.

Ndeshjet e tyre të radhës janë si ajo ndaj Norwichit (Mysafir), West Hamit (Shtëpi), Watfordit (M), Bournemouth (Sh), Everton (Mysafir) dhe Crystal Palace (Sh).

Nëse The Reds i fitojnë këto gjashtë ndeshje, atëherë ata do të jenë kampion për sezonin 2019/2020.

Ndeshja e tyre e shtatë do të jetë si mysafir i Manchester Cityt, e kjo do të thotë që atyre do u bëhet korridori i nderit nëse arrijnë t’i fitojnë gjashtë ndeshjet e fundit.

Tifozët e Liverpoolit tashmë kanë filluar të imagjinojnë se si do të dukej që një nënkampion do t’i nderonte ata, për më shumë ish-lojtari i tyre, Raheem Sterling që u largua nga Anfield dhe kaloi në Etihad. /Telegrafi/

How many wins needed now Jurgs? pic.twitter.com/wnOWlOuSzl

— Roscoe (@shaw_bailey) February 2, 2020