Neki Emra zbulon detaje nga projekti “I thua vetës nanë”, paralajmëron këngë të reja

Këngëtari Neki Emra së fundmi ka publikuar një baladë të quajtur “I thua vetës nanë”.

Në emisionin Reload në RTV Dukagjini, Nekiu ka dhënë detaje për motivet e këngës.

Ai ka thënë se kënga ka filluar para një viti dhe nuk kishte pasur qëllime komerciale. Thotë se sot një pjesë e madhe e shoqërisë është e prekur nga një fenomen negativ që ka të bëj me martesat e imponuara.

Nekiu thotë se është prekur shumë nga një rast i një mikeshe kur i kanë treguar se deri tre muaj para martesës ka qenë i lidhur më një tjetër, por familja kanë vendosur për dikë tjetër.

Këngëtari thotë se edhe reagimet e dëgjuesve në youtube ishin të tipit që ngjarja u përshtatet atyre.

Emra thotë se në fillim ishte vendosur që kënga të ketë edhe videoklip por fare në fund kanë vendosur që kënga të mos ketë spot dhe sipas tij “le të flasin vetëm fjalët”.

Lexo po ashtu Neki Emra sjell këngën e re "I thua vetes nënë"

Këngëtari thotë se çështja e martesave pa pëlqime është një temë sociale që po mbahet e heshtur nga shoqëria.

Pas këtij projekti këngëtari ka paralajmëruar edhe dy këngë të reja ku njëra nga to do të jetë duet./Telegrafi/