Në Spitalin e Pejës po trajtohen 77 pacientë me COVID-19, 16 janë në gjendje të rëndë

Në Spitalin e Përgjithshëm të Pejës janë duke u trajtuar 77 pacientë me COVID-19.

Sipas një njoftimi, thuhet se sa i përket gjendjes së pacientëve: 3 pacientë janë në Respirator (CPAP), 60 pacientë janë në Oksigjeno terapi ndërsa nga këta 16 pacientë janë në gjendje më të rëndë, ndërsa 6 pacientë është shëruar gjatë 24 orëve të fundit.

“Nga numri i përgjithshëm i pacientëve të shtrirë 77 pacientë janë duke u trajtuar me Covid-19. Sa i përket gjendjes së pacientëve: 3 pacientë janë në Respirator (CPAP), 60 pacientë janë në Oksigjeno terapi ndërsa nga këta 16 pacientë janë në gjendje më të rëndë, ndërsa 6 pacientë është shëruar gjatë 24 orëve të fundit”, thuhet në njoftim.

Tutje në njoftim thuhet se aktualisht në këtë spital janë duke u trajtuar 254 pacientë.

“254 pacientë janë në total të shtrirë aktualisht në Spitalin e Përgjithshëm në Pejë. Gjatë 24 orëve të fundit në Spitalin e Përgjithshëm në Pejë, 347 pacientë kanë kryer vizita Specialistike dhe nga këta 33 pacientë janë shtrirë për trajtim të mëtutjeshëm, ndërsa 34 Pacientë janë liruar pas trajtimit që i është ofruar”, thuhet tutje në njoftim.

Sipas njoftimit, katër lindje janë kryer gjatë 24 orëve të fundit në Spitalin e Përgjithshëm në Pejë.

“Tre lindje kanë qenë normale dhe një me prerje cezariane. Janë lindur katër foshnje, dy të gjinisë mashkullore dhe dy të gjinisë femërore. 280 pacientë kanë kryer analiza, që në total kanë bërë 4,123 analiza, ndërsa janë kryer 14 operacione. 37 Hemodializa janë kryer gjatë 24 orëve”, thuhet ndër të tjera në njoftim. /Telegrafi/