Në Kosovë borë e shtrëngim masash, emra të shumta nga estrada ‘ia mësyjnë’ Dubait për pushime

Kosova që nga sot (e mërkurë) ka hyrë në një “izolim” të ri, diktuar nga masat e reja preventive për përhapjen e virusit COVID-19.

Nga sot e deri më datën 18 prill, gastronomia në vend do të ofrojë vetëm shërbime “merr me vete”, teksa do të mbyllen edhe qendrat tregtare dhe palestrat sportive në ambiente të mbyllura.

E përderisa në Kosovë po mbizotëron kjo gjendje, disa prej personazheve VIP duket se e kanë gjetur zgjidhjen.

Për rastësi, shumë prej emrave të njohur të estradës, këto ditë kanë udhëtuar drejt Dubait për pushime.

Telegrafi në vazhdim ju sjellim disa prej tyre, që kanë zgjedhur këtë destinacion luksoz për të qëndruar gjatë këtyre ditëve:

Ermal Fejzullahu

View this post on Instagram

A post shared by Ermal Fejzullahu (@ermal.fejzullahu)

Këngëtari i njohur shqiptar, Ermal Fejzullahu, përmes rrjeteve sociale këto ditë ka bërë të ditur se së bashku me gruan e tij, Arianën, kanë udhëtuar drejt Dubait për pushime.

Ata janë fotografuar duke shijuar motin e ngrohtë me diell në Emiratet e Bashkuara Arabe, larg nga vendi i tyre rezident, në të cilin këto ditë po mbizotëron mot i ftohtë me dëborë.

Afërdita Paqarada

Edhe ish-Missi Afërdita Paqarada ka vizituar Dubain gjatë këtyre ditëve.

Në disa fotografi të publikuara në rrjetin social Instagram, modelja e njohur është shfaqur mjaft atraktive në disa fotografi me bikini, ku me krenari tregonte linjat trupore, ndërsa ka pozuar edhe në një prej shkretëtirave më të famshme atje

Enca

View this post on Instagram

A post shared by ENCA (@enca)

Këngëtarja e njohur nga Shqipëria, Enca Haxhia, këto ditë i ka kaluar gjithashtu në Dubai.

Ky pushim i saj vjen pas punës së madhe të bërë për projektin e saj të fundit muzikor “Nashta”, i cili u finalizua me sukses dhe po pëlqehet nga publiku.

Arta Elezaj

E fundit që u nis për në Dubai pak para shtrëngimit të masave të reja, është modelja dhe ish-aktorja e “O Sa Mirë”, Arta Elezaj.

Bukuroshja me prejardhje nga Klina publikoi mbrëmjen e së premtes një fotografi nga momenti i aterimit në destinacionin luksoz, ku dukej e lumtur që do të shijonte disa ditë pushimi në Emiratet e Bashkuara Arabe. /Telegrafi/