Në kohën kur numri i njohjeve të shtetit të Kosovës ka shënuar ngecje, e ku në shumë nisma rajonale tentohet të shmangen simbolet shtetërore, kur Kosova ka pezulluar aplikimet në organizata ndërkombëtare si dhe kur shumë ish-ushtarë të UÇK-së po përballen me Gjykatën Speciale, Kosova ka mbetur pa ambasadorë në qendrat kryesore vendimmarrëse, siç janë Washingtoni, Brukseli, Londra, Tokio etj.
Në këtë periudhë kur Kosova e ka më se të nevojshme prezencën ndërkombëtare, mungesa e ambasadorëve në këto vende lë prapa prezantimin e agjendës dhe politikës shtetërore dhe qasjen proaktive të Kosovës karshi zhvillimeve të shumta politike në rajon dhe më gjerë.
Kosova ka mbetur pa ambasador në Bruksel, pasi që mandati i ambasadorit të deritashëm Bernard Nikaj ka skaduar. Kosova po ashtu ka mbetur pa ambasador edhe në Londër të Anglisë dhe tani për tani është me ushtrues detyre.
Pa ambasador Kosova ka mbetur edhe në Tokio të Japonisë, pasi që ambasadorit të deritashëm Leon Malazogu i ka skaduar mandati. E njëjtë ka ndodhur edhe në Sofje të Bullgarisë ku ambasadori Edon Cana ka kërkuar kthimin e tij pas përfundimit të mandatit.
Rasti i njëjtë është edhe në Tajlandë, ku tashmë Muhamet Brajshori i cili kishte qenë ambasador në këtë shtet, është emëruar zv.ministër i Punëve të Jashtme të Kosovës.
Lidhur me këtë çështje, kryetarja e Komisionit për Punë të Jashtme dhe Diasporë, Time Kadrijaj ka thënë për Telegrafin se MPJ është duke punuar në këtë drejtim.
“Ministria është duke punuar e konsoliduar pas kthimit të shumë ambasadorëve e zyrtarëve tjerë të ambasadave. E kemi pas ministren në takim e prapë do ta ftojmë e ku do të diskutohen edhe këto çështje”, u shpreh Kadrijaj.
Anëtarja e Komisionit për Punë të Jashtme dhe Diasporë, nga radhët e PDK-së, Ariana Musliu-Shoshi e ka quajtur fatkeqësi për vendin tonë që kemi mos koordinim dhe një keqmenaxhim në mes të institucioneve që sipas ligjit janë vendimmarrës në dërgimin e ambasadorëve.
“Problemi që Kosova e ka në mos-emërimin e Ambasadorëve apo Shefave të Misioneve në vendet kyçe siç janë, Washingtoni, Londra, Brukseli, e kam cekur në takim e përbashkët të Komisionit për Punë të Jashtme me ministren Haradinaj-Stublla që e kemi pasur më datë 13 tetor 2020. Ashtu siç e parasheh Ligji për Shërbim të Jashtëm në përputhje me Konventën e Vjenës për Marrëdhëniet Diplomatike (1961), përveç përfaqësimit në shtetin pranues dhe në organizata ndërkombëtare shefi i misionit diplomatik jep edhe deklarata dhe mban qëndrime në emër të Republikës së Kosovës. Ky zë sot mungon, kur ne si shtet kemi nevojë më shumë se kurrë në mbrojtjen e të vërtetës, dinjitetin, shtetin dhe mbi të gjitha ata që janë me meritorët që në sot e gëzojmë lirinë”, u shpreh Shoshi-Musliu.
Ajo ka shtuar se në Komisionin ku ajo është anëtare ky problem nuk është diskutuar pasi që bazuar në Ligjin për Ministrinë e Punëve të Jashtme dhe Shërbimin Diplomatik, këtë detyrë i’a mvesh Ministrisë, e cila me pëlqimin e Qeverisë ia dërgon emrin e kandidatit për Ambasador ose Shef Misioni, Komisionit për Punë të Jashtme për vlerësim, dhe pas kësaj Komisioni ia raporton rezultatet Presidentit, Kryeministrit dhe Ministres/it për Punë të Jashtme për veprime të mëtutjeshme.
Musliu-Shoshi më tej ka theksuar se si deputete dhe anëtare e Komisionit për Punë të Jashtme dhe Diasporë do të kërkoj që emërimi i ambasadorëve të përshpejtohet.
“Në muajin e kaluar e kemi mbajtur një takim me ministren Haradinaj- Stublla e kam ngritur si shqetësim këtë çështje. Ajo tregoi se procesi është duke u zhvilluar sipas ligjit në emërimin e ambasadorëve në këto shtete kyçe për shtetin tonë. Në të njëjtën kohë, si deputete dhe anëtare e Komisionit për Punë të Jashtme, do të kërkoj që procesi i emërimit të Ambasadorëve të përshpejtohet duke i respektuar ligjet në fuqi”, u shpreh Shoshi-Musliu.
Në anën tjetër anëtari i Kryesisë së LVV-së, Kreshnik Ahmeti ka thënë se mungesa e ambasadorëve kudo në misionet diplomatike të Republikës së Kosovës, por në veçanti në vendet kyçe për interesat ndërkombëtare të vendit, është simptomë e tri fenomeneve të dëmshme që kanë ndodhur, dhe me kabinetin aktual po vazhdojnë të ndodhin, në Shërbimin e Jashtëm të vendit.
“1. Caktimi i diplomatëve politik përmbi normën e lejuar ligjërisht, e cila parasheh që maksimalisht 50% e shefave të misioneve mund të jenë politik, ndërsa aktualisht janë afër 75% të tillë;
2. Tejkalimi i mandateve ligjore nga diplomatët politik, duke kaluar në një mandate të dytë i cili ndalohet ligjërisht, siç është rasti i Ambasadores Çitaku në ShBA;
3. Keqmenaxhimi i mundësive diplomatike të Republikës së Kosovës, duke avancuar e favorizuar diplomatë të cilat kanë lidhje familjare me ministra e zyrtar të Qeverisë aktuale.
Sigurisht se kjo situatë kaotike e Shërbimit të Jashtëm të Republikës së Kosovës i konvenon Serbisë dhe ajo e shfrytëzon mungesën e përfaqësimit të duhur të Kosovës për të punuar kundër shtetësisë së saj”, ka thënë Ahmeti për Telegrafin.
Ahmeti i cili ishte edhe këshilltar i ish-ministrit Glauk Konjufca ka theksuar se kabineti i tyre kishte filluar me procedurën e rotacionit, duke organizuar për herë të parë konkurs të brendshëm dhe duke u siguruar që në asnjë moment të mos ketë zbrazëti në përfaqësim.
Ai akuzon ministren Haradinaj-Stublla se ka degraduar këtë proces.
“Por, ky proces u degradua nga ministrja Haradinaj, e cila më shumë u angazhua për formën sesa përmbajtjen e proceseve të brendshme dhe përfaqësimit të jashtëm të Republikës së Kosovës. Gjithsesi, edhe tek trajtimi formal i proceseve ajo gjeti hapësirë për favorizime partiake dhe familjare. Këto mungesa në përfaqësimin diplomatik të Kosovës do të vazhdojnë përderisa Qeveria ilegjitime Hoti drejton vendin e ministrja Haradinaj Shërbimin e Jashtëm”, u shpreh Ahmeti.
Ahmeti theksoi se me këtë qeverisje, mundësia e vetme e zgjidhjes se problemit të mungesës së përfaqësimit diplomatik është duke shkaktuar një problem tjetër edhe më të madh, që është mbushja e këtyre pozitave me persona partiak, nga pazaret politike të koalicionit./Telegrafi/
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj