Në një muze në Filadelfia të Shteteve të Bashkuara, ndodhet një dhomë e njëjtë, sikurse ajo e burgut në të cilin ka qëndruar Al Capone ndërmjet viteve 1929 - 1930.
Në këtë hapësirë janë vënë të gjitha gjësendet, me të cilat është shërbyer gangsteri i famshëm, derisa qëndronte prapa grilave.
Por, aty është shtuar edhe diçka që nuk e ka vendin, transmeton Telegrafi.
Këtë e ka zbuluar Sean Kelley, pasi e ka bërë një vizitë në muze.
Adoleshenti 13-vjeçar i ka shkruar e-mail zyrtarëve, ku ka tërhequr vërejtjen për një radio, që është vënë sipër një komodine.
“Radio Philco A-361, është prodhuar dhjetë vite, pasi Al Capone ka dalë nga burgu. Shikoni me kujdes, sepse mund të jetë një ngatërresë” shkruan të vërejtjen e Kelleyt.
Pas vlerësimit të ekspertëve, radio që ka edhe pajisjen për lëshimin e disqeve, është hequr nga aty, ndërsa djaloshi është shpërblyer me 400 dollarë. /Telegrafi/
