“Ne jemi skuadra më e keqe, ndoshta, në historinë e Manchester United” – Amorim flet pas ecurisë së dobët

Futbollistët e Manchester United pësuan humbjen e 10-të në ndeshjen e xhiros së 22-të të Ligës Premier, duke humbur 3-1 ndaj Brighton në “Old Trafford”.

Kjo ishte fitorja e tretë radhazi e Brighton në të gjitha garat dhe ndeshja e tetë radhazi pa humbje, ndërsa Man United mundi vetëm Southamptonin e fundit në gjashtë raundet e fundit.

Trajneri i Manchester United, Ruben Amorim, është zhgënjyer me një tjetër humbje.

“Në 10 ndeshje në Ligën Premier kemi fituar dy. Imagjinoni çfarë është kjo për tifozët e Manchester United. Imagjinoni çfarë është kjo për mua. Kështu që ka ardhur një trajner i ri që po humbet më shumë se trajneri i mëparshëm. Unë jam plotësisht i vetëdijshëm për këtë”.

“Siç thashë, nuk do të ndryshoj, sido që të jetë. E di që mund të kemi sukses, por duhet të mbijetojmë këtë moment”.

“Ne jemi skuadra më e keqe, ndoshta, në historinë e Manchester United”.

“Unë e di që ju dëshironi titujt, por unë po e them këtë sepse ne duhet ta pranojmë këtë dhe ta ndryshojmë”, deklaroi ai. /Telegrafi/