Ndahet çifti shqiptar, grimeri Mario Dedivanoviç dhe balerini Kris Dalipi

Në vitet e fundit, nuk është më një surprizë të kemi çifte homoseksuale nga bota e showbizit shqiptar.

Një nga lidhjet më të komentuar ka qenë ajo mes grimerit të njohur Mario Dedivanoviç dhe balerinës Kris Dalipi, të cilët dikur shijonin një romancë të bukur, përtej oqeanit. Dy vite më parë, emisioni Prive raportoi për këtë lidhje, duke e përfshirë në rubrikën ‘E vërtetë, e pavërtetë’.

Lidhja e tyre ishte e dukshme për ndjekësit e tyre, pasi ata shpesh shfaqeshin të pandarë në rrjete sociale, sidomos në platformën TikTok, ku ndanin momente të përbashkëta nga jeta e tyre private. Por, siç ndodh shpesh me marrëdhëniet në showbiz, muajt e ëmbël të dashurisë së tyre duket se kanë marrë fund.

Burime pranë emisionit Prive kanë konfirmuar se Mario Dedivanoviq dhe Kris Dalipi kanë vendosur t’i japin fund lidhjes së tyre, duke i dhënë një kthesë të papritur këtij romanci që ishte gjithnjë në qendër të vëmendjes mediatike.

Ky fund i papritur i lidhjes është një tjetër kujtesë se, edhe në jetën e personazheve të famshëm, emocionet dhe marrëdhëniet mund të jenë të papritura dhe të shuhen shpejt, pavarësisht se dikur ishin simbol i dashurisë dhe mbështetjes së ndërsjellë. Tani, të dy ata do të vazhdojnë të ndajnë momente nga jeta e tyre, por pa qenë më së bashku. /Telegrafi/