Marko Arnautovic është eliminuar me Austrinë e tij nga Euro 2020, ndërsa para dhe gjatë ndeshjes e kanë pritur disa befasi në “Wembley” te Londrës.
Futbollist serbo-austriak është dënuar për fyerje raciste ndaj lojtarit shqiptar Ezgjan Alioski, në ndeshjen ndaj Maqedonisë së Veriut.
Por, tani me t’u përfolur për gjestin e tij ai kishte kërkuar falje dhe atë në gjuhën shqipe me fjalët “Më falni”.
Megjithatë, në ndeshjen e sotme ndaj Italisë, sulmuesi është mirëpritur me një befasi nga disa tifozë shqiptarë në “Wembley”.
Tifozët shqiptarë që ishin të pranishëm në ndeshjen Itali – Austri që u mbyll 2-1, kanë shfaqur dy pankarta.
Njëra ishte me shkronjat e arta të UÇK-së, ndërsa e dyta për nënën e sulmuesit.
Sulmuesi luajti për 90 minuta para se të zëvendësohej, ndërsa shënoi edhe një gol që u anulua për pozitë jashtë lojës, duke e kompletuar natën e tij të keqe. /Telegrafi/
