Në dekadën e ardhshme, NASA planifikon të kryejë misionet e para me ekuipazh në Mars.

Ndërsa misionet robotike kanë ofruar imazhe të sipërfaqes së Marsit për dekada, kjo do të jetë hera e parë që qeniet njerëzore përjetojnë drejtpërdrejt Planetin e Kuq, përcjell Telegrafi.

Dhe në pritje të këtyre misioneve, NASA dhe partnerët e saj tregtarë (Epic Games dhe Buendea) janë bashkuar me HeroX – platformën kryesore për zgjidhjet me burime të shumta – për të nisur Sfidën e NASA MarsXR.

Kështu, po kërkohen ide novatore që do të çojnë në një mjedis të simuluar që rikrijon atë që astronautët mund të hasin në Mars.

Teknologjia e përfshirë njihet si Realiteti i Zgjeruar (XR), një term ombrellë që përshkruan teknologjitë gjithëpërfshirëse si realiteti virtual (VR), realiteti i shtuar (AR), si dhe teknologji të tjera që bashkojnë botën fizike dhe virtuale. /Telegrafi/