NASA hasi në një objekt të çuditshëm në Mars – por më vonë u kuptua se ishte një mbeturinë

Agjencia amerikane e hapësirës, NASA ka hasur në një objekt të ndritshëm në Mars. Rover Perseverance i tyre kapi një objekt të ngjashëm me fletë metalike gjatë bredhjeve të tyre rutinë. Por përpara se të fillojmë të spekulojmë për alienët, e vërteta është ndoshta shumë më afër nesh.

Domethënë, doli se materiali është i NASA-s. Ekspertët e publikuan këtë zbulim të “çuditshëm” në Twitter dhe thanë se atyre iu duk se ishte një copë mbulesë termike. Ai ndoshta ka qëndruar atje që kur Perseverance zbarkoi në Planetin e Kuq në vitin 2021.

Kur fotografia zmadhohet, është e mundur të shihen pika të vogla që janë të zakonshme për mbulimin termik.

My team has spotted something unexpected: It’s a piece of a thermal blanket that they think may have come from my descent stage, the rocket-powered jet pack that set me down on landing day back in 2021. pic.twitter.com/O4rIaEABLu

— NASA's Perseverance Mars Rover (@NASAPersevere) June 15, 2022

Një përfaqësues i NASA-s tha se ata janë të sigurt që është pjesë e kopertinës, por janë më pak të sigurt për pjesën e saktë të anijes, raporton nypost.

“Është më pak e qartë se nga cila pjesë e anijes kozmike erdhi ose si arriti saktësisht atje. Ekipi ynë beson se ndoshta ka ndodhur gjatë fazës së uljes”, tha Andrew Good i Laboratorit Jet Propulsion të NASA-s (JPL).

Ai shtoi se nuk dihet nëse ka zbritur atje pas aksidentit apo është marrë nga era. Megjithatë, jo të gjithëve u bëri përshtypje ky zbulim. Disa, megjithatë, besojnë se NASA po hedh mbeturina në Mars.

“Aty ende nuk ka njerëz dhe tashmë kemi lënë mbeturina”, komentoi një qytetar i pakënaqur amerikan.

“Ne njerëzit i lamë me sukses mbeturinat tona atje, edhe para se të shkelnim këmbën atje”, shtoi një tjetër përdorues i Twitter-it. /Telegrafi/