Napolitanët triumfuan para shikuesve të vetë në stadiumin “San Paolo” me rezultat prej 2-1, ku përgjatë 90 minutave u paraqit edhe mbrojtësi shqiptar, Elseid Hysaj.
Me të filluar pjesa e parë, vendasit kaluan në epërsi, duke treguar se pikët do të mbesin te Napoli.
Ishte i zakonshmi Gonzalo Higuain, ai i cili shënoi pasi një pasimi të bukur nga Callejon qysh në minutën e parë të takimit.
Në vazhdim të ndeshjes, Inter ishte më agresiv në kërkimin e golit të barazimit dhe për pasojë, mbrojtësi i krahut u skuq me karton të kuq në fund të 45 minutshit të parë.
Mbrojtësi i Interit, Nagatomo ka marr karton të kuq në minutën e 44-të takimit, përkatësisht mori kartonin e dytë të verdhë, transmeton Telegrafi.
Megjithëse skuadra e Interit në pjesën e dytë e kërkoi golin e barazimit, ishte skuadra mysafire që shënoi golin e dytë.
Sërish autor ishte Gonzalo Higuain, i cili realizoi në minutën e 62-të të takimit pasi morri një pasim të saktë nga ana e Raul Albiolit.
Por, të besuarit e Mancinit nuk u dorëzuan dhe vetëm pesë minuta më vonë shënuan golin e parë dhe të vetëm në ndeshje përmes Adem Ljajicit, i cili vulosi edhe rezultatin përfundimtar, atë prej 2-1 për Napolin.
Vlen të theksohet se mbrojtësi i Kombëtares shqiptare, Elseid Hysaj u paraqit gjatë gjithë ndeshjes dhe ishte njëri ndër më meritorët në fitoren e Napolit, ndërkaq për skuadrën e Interit nuk u paraqit asnjë minutë sulmuesi kuqezi, Rey Manaj.
Pas kësaj fitoreje, Napoli ngjitet në pozitën e parë të renditjes tabelore italiane me 31 pikë, ndërsa Inter mbetet në vendin e dytë me një pikë më pak se napolitanët. /Telegrafi/
