Napoli nuk ofron aq sa kërkon Kvaratskhelia – aktualisht gjeorgjiani ka pagë shumë të ulët

Sipas La Gazzetta dello Sport, agjenti i Khvicha Kvaratskhelia ka kërkuar 8 milionë euro në sezon për t’u zgjatur kontratën me klubin nga “Stadio Maradona”, por Napoli nuk do të ofrojë më shumë se 6 milionë euro plus bonuse. 

Napoli dhe ylli i tyre Kvaratskhelia vazhdojnë negociatat për një zgjatje të kontratës, por të dy palët duken ende shumë larg arritjes së një marrëveshjeje. 

Sipas raportit të fundit nga gazeta Gazzetta dello Sport, agjenti i lojtarit ka kërkuar 8 milionë euro neto deri në qershor 2029, por Napoli nuk do të ofrojë më shumë se 6 milionë euro plus bonuse. 

Kjo, në fakt, është sa fiton Romelu Lukaku, pasi belgu është aktualisht lojtari që fiton më shumë në klub. 

Bisedimet mes dy palëve do të vazhdojnë edhe në javët në vijim. Kontrata e Kvaras skadon në qershor 2027 dhe ai fiton aktualisht rreth 1.5 milion euro në sezon. 

Asit gjeorgjian nuk iu ofrua një marrëveshje e re pasi Napoli fitoi titullin e parë të Serie A pas 33 vitesh në 2023. 

Presidenti i Napolit, Aurelio De Laurentiis tha të shtunën se anësori gjeorgjian do të qëndrojë për aq kohë sa dëshiron klubi. 

Antonio Conte bëri presion për të mbajtur Kvara në Napoli verën e kaluar dhe 23-vjeçari ka tre gola dhe dy asistime në nëntë paraqitje në të gjitha garat këtë sezon. /Telegrafi/