Napoli ka ofruar 50 milionë euro për Mauro Icardin, mirëpo Interi ka vendosur ta shesë vetëm për 80 milionë euro, në mënyrë që ta blejë Romelu Lukakun - raporton Tuttomercatoweb.
Nerazzurrët ia kanë bërë të qartë argjentinasit se nuk është në planet e tyre dhe nuk e kanë përfshirë në turneun parasezonal në Azi.
Në ndërkohë, vlera e tij në treg ka rënë dukshëm, nga 110 milionë euro sa ishte në verën e kaluar, në 60-70 milionë euro.
Duke u bazuar në këtë, Napoli ka bërë ofertë formale në vlerë prej 50 milionë eurosh, mirëpo Interi e ka refuzuar dhe nuk dëshiron të bisedojë për një shumë më të vogël se 80 milionë euro.
Nga ana tjetër, Juventusi është duke e pritur muajin gusht për të ofruar 40 milionë euro për Icardin, i cili e ka bërë të qartë se dëshiron të luajë te kampioni i Serie A. /Telegrafi/
