Par reagimeve për çmimin e lartë të naftës në Kosovës dhe kërkesës së kryeministrit Ramush Haradinaj, për ulje të çmimit të naftës, kanë nxitur reagimin e Shoqatës së Naftëtarëve të Kosovës.

Kryetari i kësaj shoqate, Fadil Berjani, në një konferencë për media tha se nafta në Kosovë është më e lira dhe raportimet se në Kosovë çmimi i naftës është 30 cent më i lartë se në vendet e rajonit janë të pavërteta.

Ai tregoi se nafta më vendin tonë shitet me 1.10 euro litri, kurse benzina 1.11 euro për litër.

Berjani bëri të ditur se gjatë ditës sotme kanë pasur një takim me kryeministrin ku e informuan saktë për tregun e naftës.

Sipas tij, gjatë këtij takimi kryeministri kishte treguar mirëkuptim edhe ndaj kërkesave të tyre.

Kurse Laftif Kryeziu, nga Al-Petrol-Shell siguroi të gjithë qytetarët se nuk ekziston asnjë marrëveshje ndërmjet bizneseve për ngritjen e çmimit të naftës.

“Kurrë nuk ka marrëveshje, prej këtu e ftojmë autoritetin e konkurrencën të hulumtojë sepse nuk asgjë për të fshehur”, tha ai.

Sa përket çmimeve, Kryeziu thasë fitimi është i ulët, sepse konkurrenca është shumë e madhe.

Ndërsa, për ulje të çmimeve në disa pika, tha se ato e kanë bërë për arsye të caktuara personale. /Telegrafi/