Musaka me lakër të freskët: Drekë e mrekullueshme përplot vitamina!

Recetë e shkëlqyeshme, gjellë që kur e gatuani kurrë nuk do të gaboni…

Përbërësit:

▪ ½ lakre,
▪ 250 g mish të bluar,
▪ 150 g proshutë të grirë,
▪ 1 presh (i grirë),
▪ 1 karotë (e grirë),
▪ 1 spec i gjelbër (i grirë),
▪ 3 vezë,
▪ 200 g ajkë,
▪ 100 ml jogurt,
▪ 3 thelpinj hudhre të grirë,
▪ erëza të thata,
▪ spec i kuq dhe i shtypur djegës,
▪ piper dhe kripë.

Përgatitja:

Në vaj fërgoni proshutën e prerë imët dhe shtoni preshin, karotën dhe specin.

Kur të fërgohen pak shtoni mishin e bluar, hudhrën, erëzat, piperin dhe specin e kuq të shtypur. Të gjitha përzieni dhe hiqni nga shporeti.

Në një tenxhere tjetër qitni pak vaj, kurse në lakrën e prerë shtoni kripën dhe me duar shtypeni pak, pastaj shtoni piperin dhe qitni në tenxhere që të fërgohen mirë dhe të zbuten.

Radhisni musakanë në enë rezistuese ndaj zjarrit.

Fundin e enës lyeni pak me vaj dhe shtoni gjysmën e lakrës së fërguar, pastaj qitni gjithë shtesën dhe sipër pjesën e mbetur të lakrës dhe të gjitha bashkoni mirë.

Tundni vezët, shtoni ajkën dhe jogurtin dhe derdheni sipër lakrës. Mund të shtoni pak kaçkavall të grirë në rende dhe nëse ka mbetur ndonjë fetë proshute.

Piqni në 200 gradë rreth 40 minuta. Gjatë pjekjes mbuloni me folie.

Lakra është shumë e shëndetshme dhe e shijshme, ndërkaq kjo gjellë është zëvendësim i shkëlqyeshëm i musakasë klasike, transmeton Telegrafi.