Muharrem Sahiti: Moldavia na vuri në vështirësi, fitorja i dedikohet Challandesit

Ndihmëstrajneri i Kosovës, Muharrem Sahiti, ka folur pas fitores me Moldavinë (1-0), duke e pranuar që skuadra ishte në vështirësi në disa raste, sidomos në fund.

Kosova e mbyll këtë edicion të Ligës së Kombeve në vendin e tretë me 5 pikë.

“Fitore shumë e rëndësishme. Pas një viti të vështirë, me një kundërshtarë direkt për me mbet në këtë ligë”.

“Kundërshtari nuk ka pasur çfarë të humb. U përmbajtëm mirë. Nëse marrim këto tri ndeshje për një javë ka qenë e vështirë. Jemi të kënaqur më paraqitjen dhe fitoren”.

“Patëm raste për golin e dytë. Kundërshtari në pjesën e parë nuk i lamë të krijojmë asgjë. Pasi nuk e shënuam atë golin e dytë u vështirësuan gjërat. Ky është futbolli. Sot nuk kemi qenë komod, pasi kishim një kundërshtarë që luan mirë në mbrojtje. E dëshmoj edhe në lojën me Rusinë. Kemi qenë favorit, por kundërshtari na krijoi vështirësi”.

“Gjendja e Amir Rrahmanit? Ai u mundua të luajë, tani po merret stafi mjekësor. Duhet të bëhet fotografimi. Nuk po besoj që është lëndim i rëndë”.

“Shumë na ndihmon kjo fitore. E dimë situatën e krijuar dhe problemet me COVID-19. Nuk kemi luajtur asnjëherë me komplet skuadër, ku minimum 5 lojtarë kanë munguar. Të lutemi të mbyllet kjo pandemi dhe të kemi ritëm më të mirë”.

“Prurjet? Do të mundohemi të ofrojmë lojtarë të ri. Mos t’i penalizojmë ata lojtarë që e kanë ndërmend të vijmë. Bisedimet le të mbeten mes nesh dhe të bëhet e ditur kur të mbyllet. Tani kemi kohën e mjaftueshme të analizojmë dhe të jemi gati për kualifikim për Kampionatin Evropian. Në tri ndeshje na mungoi selektori, përveç lojtarëve. Kjo fitore i dedikohet atij dhe i urojmë shërim të shpejtë”, ka thënë Sahiti. /Telegrafi/