Rusisë i pengon fitorja e Vetëvendosjes: ‘Jemi të brengosur për retorikën gjithnjë e më radikale të shqiptarëve’

Zëdhënësja e Ministrisë së Punëve të Jashtme të Rusisë, Maria Zakharova, përmes një shkrimi në llogarinë zyrtare në Twitter, ka shprehur brengosjen për siç thotë retorikën radikale të shqiptarëve të Kosovës.

Sipas saj kjo ka ardhur pasi Lëvizja Vetëvendosje fitoi zgjedhjet e parakohshme parlamentare.

Madje, është ankuar ndaj vendeve perëndimore mbështetëse të Kosovës, për të cilët thotë se nuk kanë reaguar për provokimet e shqiptarëve.

“Ne jemi të brengosur për retorikën gjithnjë e më radikale të përdorur nga shqiptarët e Kosovës pasi Lëvizja Vetëvendosje fitoi zgjedhjet e parakohshme parlamentare. Ne nuk shohim ndonjë reagim të mbështetësve perëndimorë të shqiptarëve të Kosovës ndaj këtyre provokimeve”, ka thënë Zakharova, njofton Telegrafi.

?#Zakharova: We are concerned about the increasingly radical rhetoric used by #Kosovo Albanians after the Self-Determination Movement won an early parliamentary election. We do not see any reaction of the Kosovo Albanians’ Western sponsors to these provocations pic.twitter.com/u5E8ZWIqu3

— MFA Russia ?? (@mfa_russia) February 26, 2021