MPJ rikthen postimin e fshirë për Rusinë, por me përmirësime

Ministria e Punëve të Jashtme e Kosovës ka rikthyer postimin e saj, pas kritikave që mori për përdorim të dobët të gjuhës angleze në tekstin e parë.

Në postimin e përmirësuar thuhet se është një pikëpamje e zakonshme në Evropë se Rusia nën presidentin Putin po bëhet më agresive në politikën e jashtme dhe se ai padyshim mbështetet në një Perëndim të dobët.

“Është gjithashtu një analizë e zakonshme në Perëndim se pa pëlqimin e Putinit nuk do të kishte pasur asnjë sulm të Bjellorusisë ndaj një avioni civil”, thuhet në reagim.

Lexo po ashtu Ministria e Jashtme fshin postimin pasi u kritikua për përmbajtjen dhe anglishten e dobët

Tutje theksohet se ka shqetësime në rritje edhe për një Serbi më agresive.

“Serbia mori 30 tanke shtesë dhe 30 transportues ushtarakë nga Rusia. Retorika e presidentit Vuçiq është armiqësore. NATO, SHBA dhe BE duhet të marrin masa për të mbrojtur aleatët e saj. Kosova është gati të punojë me SHBA dhe BE”, thuhet në postim.

“Pa miratimin e Putinit asnjë sulm i Bjellorusisë ndaj avionit, asnjë kërcënim i ri nga Vuçiq, me 30 tanke të tjera, 30 mil. transportues nga Rusia. NATO, SHBA, BE duhet të marrin masa për të mbrojtur dhe mbrojtur aleatët”, deklarohej në postimin e fshirë më herët nga MPJ-së, i cili mori kritika për gabime në gjuhën angleze./Telegrafi.

It is a common view in Europe that Russia under President Putin gets more aggressive in foreign policy and that he obviously counts on a weak West. It is also a common analysis in the West that without Putin’s consent there would have been no Belarus attack on a civil airliner.

— MFA Kosovo ?? (@MFAKOSOVO) May 24, 2021

There are growing concerns about a more aggressive Serbia, too. SRB got an additional 30 tanks and 30 military carriers from Russia. Pres Vučić’s rethoric is hostile.
NATO, U.S. & EU must take action to protect & defend its allies. Kosova ?? stands ready to work with ?? & ??.

— MFA Kosovo ?? (@MFAKOSOVO) May 24, 2021