Mourinhon e kënaq barazimi në minutën e fundit, por thotë se synonte tri pikët

Roma ka marrë një barazim me shumë vuajtje në udhëtim te Sassuolo 2-2.

Giallorosët ishin në epërsi 0-1 pas 45 minutave të parë, por vendasit shënuan dy gola në pjesën e dytë për të kaluar në epërsi të cilën e humbën në minutat shtesë kur barazoi gjithçka Bryan Cristante.

Trajneri i Romës, Jose Mourinho ka folur pas ndeshjes duke thënë se e kënaq ky barazim në fund të ndeshjes, edhe pse synonte tri pikët nga përballja në Mappei Stadium.

“Nuk jam i kënaqur me rezultatin e ndeshjes, por në këtë rast ndryshon disi dinamika. Para ndeshjes nuk doja një pikë, por në minutën e 90-të isha shumë i lumtur sikur të barazoja”.

“Këtë ndeshje e krahasoj me humbjet në Verona, Venezia dhe Bologna. Edhe aty kishim mundësi të barazonim, pasi do të kishim tre pikë më shumë nëse do të kishim barazuar”, tha Mourinho.

Tutje trajneri italian tha se nuk kanë humbur që katër ndeshje në Serie A dhe po sheh gjëra të mira tek skuadra e tij.

“Nuk është rezultati që donim, por nuk kemi pësuar humbje në 4 ndeshjet e fundit të Serie A, ku kemi grumbulluar 8 pikë. Mund të fitonim përballë Sampdorias, por në fund morëm një pikë”, u shpreh trajneri portugez.

Pas 25 xhirove në Serie A, Roma zë vendin e shtatë me 40 pikë, derisa javën e ardhshme pret Veronën në Olimpico. /Telegrafi/