Mourinho thumbon rivalët ne Ligën e Evropës, por tallet edhe me Lazion që u eliminua nga Liga e Konferencës

Jose Mourinho vazhdon me deklaratat e tij thumbuese pas kaloi në çerekfinale të Ligës së Evropës.

Special One ka thumbuar skuadrat që kanë rënë nga Liga e Kampionëve në Ligën e Evropës si Juventus, Sevilla e Bayer Leverkusen.

Megjithatë ai thotë se nuk i intereson se kë do ta ketë kundërshtar në çerekfinale të Ligës së Evropës.

“Nuk më intereson se me kë do të përballemi, nuk kam preferenca”, tha fillimisht Mourinho.

“Për mendimin tim, ka ekipe që nuk duhet të jenë aty, sepse kushdo që eliminohet nga një garë, duhet të shkojë në shtëpi (i referohet Juventusit, Sevillas dhe Bayer Leverkusenit të eliminuar nga Liga e Kampionëve”.  Ne kemi qenë këtu që nga fillimi, Liga e Evropës duhet të jetë për ne”, tha Mourinho

Krejt në fund trajneri i Romës nuk ka kursyer talljet edhe për rivalin lokal Lazion, që u eliminua nga Liga e Konferencës.

Lexo po ashtu Mourinhon e bën të lumtur kalimi në çerekfinale të Ligës së Evropës

“Lazio u eliminua nga Liga e Konferencës, por ndoshta nuk ka një garë tjetër ku do të shkojë apo jo?”, tha Mourinho.

Kujtojmë që Lazio dhe Roma të dielën luajnë derbin e madh italian në Serie A, me dy skuadrat që po kërkojnë një vend për Ligën e Kampionëve. /Telegrafi/

DAJE MISTER! 💪 pic.twitter.com/oHmWMsqr3A

— AS Roma (@OfficialASRoma) March 16, 2023