Mourinho: City përfundon në Top 4, ne dhe skuadrat tjera duhet të luftojmë deri në fund

Jose Mourinho ka dhënë mendimin e tij sa i përket përfundimit të sezonit në Ligën Premier, duke theksuar se rivali i tyre, Manchester City do të përfundoj në katër pozitat e para.  

Manchester City dhe Manchester United u ndeshen (mbrëmë) në derbin e javës në Ligën Premier, duke përfunduar ndeshjen me barazim pa gola.

Ky barazim nuk i konvenoi edhe aq asnjërës, pasi në vend të tretë ka mbetur Liverpoolit, ndërsa skuadrat nga Manchesteri ndajnë pozitat pesë dhe gjashtë.

Lexo po ashtu Derbi i Manchesterit i mbushur me tensione, përfundon në paqe

Megjithatë, sipas trajnerit të “Djajve të Kuq”, në përfundim të kampionatit City do të renditet sigurt në katër vendet e para, ndërsa Unitedi, Arsenali dhe Liverpooli duhet të luftojnë deri në fund për njërën pozitë.

“Mendoj se Man City do të përfundojë në katër vendet e para, mendoj se ndeshjet që duhet të luajnë, unë i shoh ata duke e bërë këtë”, ka thënë fillimisht Mourinho.

“Mendoj se është mes nesh, Arsenalit dhe Liverpoolit dhe ne do të përpiqemi deri në fund”, përcjell Telegrafi.

Lexo po ashtu Mourinho: Pjesa e parë na takoi neve, e dyta Cityt

“Realiteti është se ne kemi një gjysmëfinale evropiane [në Ligën e Evropës kundër Celta Vigos] për të luajtur”.

“Ne kemi shumë probleme me lojtarët dhe shkojmë me atë që është e mundur, por do të luftojmë derisa matematikisht nuk është e mundur”, përfundoi “Special One”. /Telegrafi/