Mount duket se është “i mallkuar” nga tifozët e Chelseat, lëndohet sërish

Në një goditje për klubin dhe tifozët e tij, Mason Mount ka njoftuar se do të qëndrojë jashtë për shkak të një lëndimi të ri muskulor.

Mesfushori i Manchester United zbuloi këtë pengesë në një deklaratë të lëshuar sot, duke shprehur frustrimin dhe zhgënjimin e tij për situatën.

Mount, i cili deri më tani nuk po arrin të dëshmojë vetën te Djajtë e Kuq, tha se lëndimi ndodhi gjatë ndeshjes së fundit.

“Gjatë ndeshjes së fundit, kam pësuar një problem të vogël muskulor. Do të mungoj për disa ndeshje”, ka thënë ai. Ky lëndim vjen si një pengesë për lojtarin, i cili së fundmi kishte punuar intensivisht për të rikthyer plotësisht formën e tij fizike.

“Kam punuar shumë për të rikuperuar formën time fizike, ndihesha i sigurt dhe gati”, shtoi Mount, duke theksuar përpjekjet e tij të fundit për të kapërcyer sfidat e mëparshme të konditës fizike. Angazhimi dhe vendosmëria e tij ishin të dukshme pasi ai ishte i gatshëm të bëjë një ndikim të rëndësishëm në fushën e lojës.

Lexo po ashtu Ten Hag flet për situatën e Mason Mount te Manchester United

Mesfushori 25-vjeçar shprehu frustrimin e tij drejtpërdrejt, duke thënë: “Doja që ta dëgjoni nga unë se sa i frustruar jam”. Ndjeshmëria e Mount ndaj lojës dhe dëshira e tij për të kontribuar plotësisht në ekip janë të qarta.

Mungesa e Mount do të ndjehet fort, ndërsa Man United përgatitet për një periudhë të rëndësishme në sezon. Ekipi mjekësor i klubit aktualisht është duke vlerësuar lëndimin dhe një datë e parashikuar e rikthimit do të ofrohet pasi të përfundojnë vlerësimet e mëtejshme. /Telegrafi/