Motori i ri i Ferrari FXX – V12 – po del në ankand

Keni nevojë për një motor të ri për supermakinën tuaj Ferrari FXX vetëm për pista, apo thjesht po kërkoni të shtoni një pjesë tjetër interesante në koleksionin tuaj të pjesëve të veturave?

Shtëpia e ankandeve RM Sotheby’s ka listuar së fundmi motorin e ri të një Ferrari FXX si pjesë të “Garagista Collection” të saj, duke vlerësuar se motori 6.3-litërsh V12 mund të shitet për diku rreth 226,513 dhe 396,398 euro (200,000 dhe 350,000 funte).

Lista pretendon se është motori i parë Ferrari FXX – i koduar Tipo F140 DA – që shitet si një artikull i dorës së dytë (NOS), i kompletuar me pjesët e tij ndihmëse, duke përfshirë hyrjet e ajrit dhe telat përçues, raporton Drive, transmeton Telegrafi.

Ferrari FXX u lansua në 2005 si një version i Ferrari Enzo vetëm për pista të garave, me prodhim të kufizuar fillimisht në vetëm 29 ekzemplarë – megjithëse prodhuesi italian i makinave shtoi një makinë shtesë në shifra për një nga punonjësit e saj më të rëndësishëm.

“Shasia 30” iu dorëzua shtatë herë kampionit të Formula 1, Michael Schumacher, pasi ai u tërhoq nga sporti në fund të sezonit 2006. Schumacher dhe Ferrari FXX i tij u shfaqën në mënyrë të famshme në episodin hapës të serisë së 13-të të Top Gear, duke vendosur një kohë xhiro rreth pistës së testimit.

Ferrari pretendoi se motori V12 i FXX mund të zhvillonte deri në 588 kW dhe 686 Nm – rreth 100 kW dhe 40 kW më shumë se Enzo ku bazohet – por prodhimi i serisë F140 vazhdon sot, duke fuqizuar makinën 812 GT dhe SUV-in e ardhshëm Purosangue. /Telegrafi.