Mos e teproni me shalqirin: Ky freskues veror mund t’ju shkaktojnë probleme të mëdha

Sasia e lejuar është e përcaktuar qartë

Me rritjen e temperaturës, rritet edhe dëshira jonë për një pije freskuese perfekte, të lëngshme dhe të shijshme dhe një nga frutat e preferuara të verës – shalqiri.

Përveç hidratimit dhe ftohjes së përkryer, shalqiri është gjithashtu një burim i mirë i kaliumit dhe ndihmon në ruajtjen e funksionit të elektroliteve, transmeton Telegrafi.

Ai forcon kockat dhe muskujt dhe ka një efekt pozitiv në shëndetin e zemrës. Megjithatë, si çdo gjë, ai ka anën e tij negative.

Shalqiri është një burim i madh uji dhe fibrash dietike, por nëse hani shumë, mund të çojë në diarre, fryrje barku dhe gazra.

Shalqiri përmban edhe një përbërje sheqeri, sorbitol, i cili ndihmon në sasi më të vogla, por në sasi më të mëdha mund të shkaktojë probleme me tretjen.

Edhe pse nuk është e pazakontë të gjesh shalqi të freskët në një nga koktejet freskuese verore, nuk rekomandohet ngrënia e kësaj frute gjatë konsumimit të alkoolit, sepse nivelet e larta të likopenit nga shalqiri mund të reagojnë me alkoolin dhe të shkaktojë inflamacion të mëlçisë.

Konsumimi i tepërt i kaliumit mund të shkaktojë probleme kardiovaskulare, si puls i dobët, rrahje të parregullta të zemrës etj.

Nëse duhen besuar ekspertëve të shëndetit dhe nutricionistëve, 100 deri në 150 gram shalqi në ditë është mjaft i mjaftueshëm për të përdorur të gjitha përfitimet dhe lëndët ushqyese të tij. /Telegrafi/