‘Mos e prekni fytyrën tuaj’, paralajmëron zyrtarja publike, disa sekonda përpara se të prekte fytyrën e vet

Qeveritë në të gjithë botën kanë lëshuar këshilla higjienike për të ndaluar përhapjen e coronavirusit .

Për shembull, në Mbretërinë e Bashkuar, qeveria ka rekomanduar larjen e rregullt të duarve me periudha 20 sekondash duke përdorur sapun dhe ujë.

Këshillat e SHBA-së rekomandojnë të shmangni kontaktin e ngushtë me njerëzit që janë të sëmurë, të mos prekin sytë, hundën dhe gojën dhe dezinfektimin e objekteve dhe sipërfaqeve të prekura shpesh, transmeton Telegrafi.

Sidoqoftë, vështirësia për t’iu përmbajtur këshillave të tilla është theksuar në një video të një zyrtareje shëndetësore amerikane.

Dr. Sara Cody, director of the Santa Clara County Public Health Department finds out how difficult it is to follow her own hygiene advice over coronavirus. pic.twitter.com/JVeD7RVyuH

— Martin Williams (@Martin1Williams) March 5, 2020

Klipi tregon Dr Sara Cody, drejtoreshë e Departamentit të Shëndetit Publik të Qarkut Santa Clara, duke mbajtur një fjalim për coronavirusin në të cilin këshillon të mos prekni gojën tuaj.

Dr Sara Cody, drejtoreshë e Departamentit të Shëndetit Publik të Qarkut Santa Clara, u tha gazetarëve javën e kaluar: “Sot, filloni të punoni për të mos prekur fytyrën tuaj, sepse një mënyrë e përhapjes së viruseve është kur prekni gojën, hundën ose sytë”.

Sidoqoftë, momentet më vonë, Dr Cody mund të shihet që pastaj prek gojën e saj dhe i lëpinë gishtin, në mënyrë që të kthejë një faqe në shënimet që mban.

Tani ka më shumë se 100,000 raste të konfirmuara të coronavirusit në të gjithë botën.

Shumica e tyre janë në territorin e Kinës ndërsa Koreja e Jugut ka konfirmuar 6.000 dhe Irani zyrtarisht ka raportuar 3.500 raste të konfirmuara me coronavirus.

Në Itali, janë raportuar më shumë se 3,800 raste ndërsa Gjermania, Franca, Japonia, Spanja, SHBA, Singapori dhe Hong Kongu kanë deklaruar të paktën 100 raste. /Telegrafi/