Ekipet e shpëtimit në Tajlandë kanë arritur ta nxjerrin murgun budist, i cili për katër ditë qëndroi i ngujuar në shpellën e vërshuar nga uji.

Pra Ajarn Manas, 46-vjeç, ishte nisur në një udhëtim kur u fut në shpellën Pra Sai Ngam në Pitsanulok, brenda të cilës tentoi të meditojë, transmeton Telegrafi.

Papritmas kishin filluar reshjet e mëdha të shiut, e sasia e madhe e ujit e mbushi shpellën në të cilën ishte murgi. E për ta nxjerrë morën pjesë 17 zhytës, të cilët kishin për mision fillimisht ta lokalizojnë morgun.

Ai është detyruar të zhytet në 12 metra thellësi, për ta nxjerrë nga shpella që për pak sa nuk ia mori jetën.

Kujtojmë që një dramë e ngjashme kishte ndodhur në vitin 2018 në Tajlandë, kur në një shpellë në veri të vendit mbetën të ngujuar 12 djem, futbollist të rinj dhe trajneri i tyre.

Për shpëtimin e tyre ishin angazhuar ekspertë nga e mbarë bota, e operacioni i kërkim-shpëtimit ka zgjatur plotë 17 ditë. /Telegrafi/