Montella: Ndaj Juves nuk është një finale, por duhet të luajmë si në finale

Trajneri i Milanit, Vincenzo Montella, thotë se ndeshja e nesërme(premte) ndaj Juventusit, nuk do të jetë një finale, por qëndrimi duhet të jetë ai i një finales.

Rossonerët nuk kanë fituar asnjëherë në Juventus Stadium që kur ai u hap në vitin 2011, dhe janë në kërkim për të thyer atë mallkim mbrëmjen e nesërme.

Sipas trajnerit Montella, ndeshja ndaj Juventusit duhet të luhet si një finale, dhe ka shpresa për fitore, vetëm se futbollistët e tij duhet të jenë të fokusuar dhe të luajnë pa frikë.

“Kjo ndeshje nuk do të jetë një finale, por qëndrimi duhet të jetë ai i një finaleje”, ka thënë fillimisht Montella në konferencën e tij për shtyp para ndeshjes.

“Është një sfidë pothuajse e ndaluar për të luajtur me Juventusin në shtëpinë e tyre, por ne duam të fitojmë”, përcjell Telegrafi.

“Ata janë një ekip shumë i fortë që bëjnë mirë situatat brenda lojës. Kjo është një Juve e cili e di se si duhet fituar, por ato mund të mposhten”.

“Gjëja më e rëndësishme është të luajturit pa frikë, përndryshe ne do të kemi shpresë. Tre pikë kundër Juventusit janë njësoj si ato ndaj Chievos, edhe pse ajo do të na ndihmonte të jemi më afër kreut të tabelës”.

“Ata mund të ndryshojnë në nivel taktik, në krahasim me ndeshjet e fundit. Allegri ka bërë me të vërtetë mirë, duke marrë rezultate pozitive. Ne dimë gjithçka rreth tyre, dhe anasjelltas ata rreth nesh”.

“Në qoftë se unë mund të u jap atyre disa këshilla, unë do tu thosha se ata duhet të fokusohen në Ligën e Kampionëve, pasi që ata kanë fituar pothuajse Scudetton!”, përfundoi trajneri i Milanit. /Telegrafi/