Deputeti Dardan Molliqaj, është treguar i ashpër ndaj pezullimit të punëve në projektin e rrugës që lidh Deçanin me Plavën.

Molliqaj, përmes një statusi në Facebook, ka thënë se Deçani është prej komunave më të varfra dhe ndalja e këtij projekti do të nënkuptonte bllokim të zhvillimit të këtij qyteti.

Ai tha se ndalja e punimeve me kërkesë të Manastirit që zbaton urdhrat e Serbisë, është fatkeqe.

“Rruga Deçan-Plavë është rrugë me interes nacional për shkak se e zhvillon turizmin në Grykën e Deçanit dhe e lidhë Kosovën me Malin e Zi.

Fatkeqësisht, punimet në këtë rrugë sot janë ndërprerë nga Manastiri i Deçanit i cili vazhdimisht zbaton urdhrat e Beogradit duke e pamunundësuar kështu zhvillimin e këtij qyteti, i cili është ndër qytetet më të varfra në Kosovë.

Reklama
Reklama

Bllokimi i punimeve në këtë rrugë është cenim i lirisë së lëvizjes së qytetarëve. Shpresoj që Qeveria e Kosovës do t’i vazhdojë punimet pavarësisht pengesave të politikave fashiste të Serbisë”, ka thënë Molliqaj.

Sidoqoftë, reagime për ndaljen e punëve në këtë projekt ka pasur edhe nga opozita tjetër, të cilët kanë thënë se ky është nënshtrim ndaj Serbisë.

Ndryshe, nga Ministria e Infrastrukturës thanë se punët po vazhdojnë, por jo edhe ne 6 kilometrat që, sipas Manastirit, po prekun zonën e mbrojtur”, ka shkruar Molliqaj. /Telegrafi/