“Moderna” ngadalëson regjistrimin e vullnetarëve për provën klinike të vaksinës kundër COVID-19

Kompania farmaceutike, Moderna, e cila po teston një vaksinë për COVID-19, njoftoi se po inkurajon punëtorët e saj të punojnë më shumë për të rekrutuar njerëz të ndryshëm, edhe nëse këto përpjekje ngadalësojnë shpejtësinë e regjistrimit.

“Ne besojmë se këto përpjekje do të përmirësojnë cilësinë e studimit dhe besimin në vaksinë duke ndërtuar prova përfituese në komunitetin me rrezik më të lartë të COVID-19”, tha një zëdhënës i Modernas për CNN-in.

CEO i Modernas, Stephane Bancel, i tha rrjetit se po ngadalëson pak regjistrimin e vullnetarëve për të siguruar pjesëmarrjen nga komunitetet pakicë, transmeton Telegrafi.

Në mënyrë të veçantë, provat e testimeve që nuk kanë regjistruar mjaft vullnetarë të komunitetit afrikano-amerikan u thuhet se duhet të rrisin regjistrimin midis atyre popullatave. Bancel tha se ngadalësimi mund të vonojë përparimin e testimeve me rreth një javë.

Shifrat aktuale të regjistrimit tregojnë se 68 për qind e vullnetarëve janë të bardhë, 20 për qind janë spanjollë ose latinë, 7 për qind janë janë afrikano-amerikanë, 3 për qind janë aziatikë dhe 1 për qind janë përfaqësues të komuniteteve të tjera.

Lexo po ashtu Vaksina për COVID-19 e firmës amerikane funksionoi te majmunët - u mundësoi atyre të ‘pastrojnë’ shpejt infeksionin nga mushkëritë e tyre

Dr. Anthony Fauci, eksperti kryesor i sëmundjeve infektive të vendit, i tha CNN-it se provat klinike të fazës së tretë për vaksinat e coronavirusit duhet të synojnë të përfshijnë pakica në nivele që janë të paktën dyfishi i përfaqësimit të tyre në popullatë për të pasqyruar më mirë të prekurit nga COVID-19. /Telegrafi/