Ministrja gjermane e Punëve të Jashtme, Annalena Baerbock ka akuzuar Rusinë se po nxit një krizë botërore të ushqimit. Arsye për këtë është bllokimi i porteve ukrainase.
Në një takim të ministrave të Jashtëm të OKB-së në New York, ministrja Baerbock akuzoi Rusinë se po e përdor ai armë lufte bllokimin e eksporteve të drithit nga Ukraina.
“Përmes bllokadës së porteve ukrainase, shkatërrimit të hambarëve, rrugëve dhe shinave të trenit dhe veçanërisht arave të fermerëve, Rusia ka filluar një luftë të drithit, që po ndez një krizë botërore të artikujve ushqimorë”, tha Baerbock.
Për të, Rusia nuk zhvillon vetëm një luftë brutale me tanke, raketa dhe bomba, por edhe “me një armë tjetër të tmerrshme, por të pazëshme: urinë dhe privimet”. Kjo ndodh në një kohë, kur në Lindjen e Afërt dhe në Afrikë miliona vetë kërcënohen nga uria.
Sipas të dhënave të qeverisë gjermane, Rusia mban të bllokuar livrimin e 20 milionë tonëve me drithëra sidomos në drejtim të Afrikës veriore, Azisë dhe një pjesë të madhe e tyre ndodhet në portin e Odesës. Ukraina është një nga prodhuesit më të mëdhenj të drithit. Ishte SHBA ajo që i vendosi në axhendën e OKB-së konsultimet për sigurinë e furnizimit me ushqime në botë dhe ftoi 30 shtete në New York.
Edhe sekretari i përgjithshëm i OKB-së, Antonio Guterres ka rritur presionin ndaj Moskës.
“Rusia duhet të lejojë eksportin e sigurt nga portet ukrainase të drithit të magazinuar”, ka thënë Guterres.
Lufta do të zgjasë
Ndërkohë presidenti Volodymyr Zelensky e ka përgatitur popullin ukrainas për një luftë të gjatë. Në një fjalim me video të mërkurën në mbrëmje, ai i drejtua qytetarëve në zonat e pushtuara në jug, duke i dhënë shpresë, se Ukraina do t’i çlirojë ata.
Në këtë kontekst ai bëri të ditur edhe zgjatjen e të drejtës së luftës dhe mobilizimit të përgjithshëm edhe me 90 ditë të tjera deri më 23 gusht.
“Ushtria jonë dhe të gjithë ata që mbrojnë shtetin, duhet të kenë në dorë të gjitha mjetet ligjore për të vepruar në qetësi”, ka thënë Zelensky. /Deutsche Welle/
Promo
Reklamo këtuLufta Prigozhin - Putin
Më shumëÇfarë është përgjysmimi i Bitcoin dhe pse ka rëndësi?
Po zhvillohet ngjarja e Bitcoinit që ndodh një herë në katër vjet
Kush është vajza biznesmene që po pushton tregun muzikor?
Sa afër jemi nga kryerja e pagesave me kriptovaluta
3, 2, 1 - Volvo gati për ty!
Kosova përfiton 90 milionë euro nga Banka Botërore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel