Ministrit serb për Investime Publike, Darko Glishiq i ishte përkeqësuar gjendja gjatë një paraqitjeje të drejtpërdrejtë në mëngjes në një nga televizionet e Serbisë.

Siç edhe mund të vërehet në disa pamje që po qarkullojnë në rrjetet sociale, ai filloi të belbëzonte dhe nuk ishte në gjendje të formonte fjali, çka detyroi ndërprerjen e menjëhershme të programit.

Sipas mediave serbe, dyshohet se ai kishte një sulm në tru dhe raportohet se është në gjendje të rëndë, përcjell Telegrafi.

Ai thuhet se u dërgua me urgjencë në spital.

Ai është një nga bashkëpunëtorët më të afërt të presidentit Aleksandar Vuçiq dhe ministër që nga maji 2024. /Telegrafi/

SerbiaBallkanBotë