Duke sjellë në vëmendje strategjitë e dështuara të vitit 2019/2020 për zhvillimin e industrisë së filmit, Ministria e Kulturës është duke përgatitur ndryshime ligjore për buxhetimin e serialeve televizive, por edhe në vetë Ligjin për veprimtarinë filmike.
Ndryshime në Ligjin për veprimtarinë filmike, ndarja e një buxheti prej 5 milionë eurosh për aktivitetin filmik në vitin 2024, por edhe kompensimi për fondet e reduktuara të Agjencisë së Filmit janë disa nga masat e reja që do të marrë Ministria e Kulturës për të përkrahur kinematografinë. Në një takim me kineastë, kreu i Ministrisë së Kulturës, Bisera Kostadinovska-Stojçevska, ka prezantuar risitë në këtë fushë, duke sjellë në vëmendje se pavarësisht se në vitin 2019 dhe 2020 janë paguar më shumë se 20 mijë euro për zhvillimin e një Strategjie të re Kombëtare për zhvillimin e industrisë së filmit, Strategjia nuk është zhvilluar. Kështu, Ministria e Kulturës do të hartojë një propozim për ndryshimin e Ligjit për buxhetin për serialet televizive, si dhe do të përkrahë miratimin e ligjit të ri për filmin, sipas standardeve evropiane.
“Avancimi i mëtutjeshëm në aktivitet varet nga ju, andaj është e nevojshme të krijohen grupe punuese për hartimin e Strategjisë dhe ligjit të ri, për të cilin shërbimet në Ministri janë në dispozicionin tuaj dhe pastaj të afrohemi me miratimin e tyre”, tha Kostadinovska-Stojçevska.
Ministria e Kulturës do të përgatisë një propozim për ndryshimin e ligjit, i cili do t’i dërgohet Kuvendit dhe më pas Agjencia e Filmit dhe vetë punëtorët e filmit do të bëjnë përpjekje që ai propozim të miratohet dhe të gjendet një zgjidhje lidhur me prodhimin e serialeve që kanë rol të rëndësishëm në ruajtjen e gjuhës, kulturës, traditës. Ministrja theksoi se Qeveria ka miratuar propozimin për miratimin e Strategjisë për zhvillimin e industrisë së filmit, në bazë të së cilës do të përcaktohet nevoja për një ligj të ri për industrinë filmike dhe audiovizive.
Ministrja shprehu edhe mbështetjen e saj për kontratën e nënshkruar me Euroimage, për programin pilot për serialet televizive, për të cilin siç tha ajo u angazhua që të gjejë fondet e nevojshme për biletën e hyrjes, pavarësisht indiferencës së treguar nga Agjencia e Filmit. “Me këtë marrëveshje, 15 milionë euro do të jenë në dispozicion të producentëve vendas të serialeve në tre vitet e ardhshme”, sqaroi përfaqësuesja kombëtare e fondit evropian, Tanja Pepeljugovska, informojnë nga Ministria e Kulturës. Ligji aktual i Filmit, i miratuar në vitin 2014, vlerësohet se nuk është në përputhje me parimet e industrisë së filmit dhe nuk u përshtatet kineastëve për shumë arsye, ata kanë kërkuar prej kohësh miratimin e një Ligji i ri me të cilin do të standardizohej buxheti kombëtar i filmit dhe përfundimisht do të rregullohej statusi i punonjësve të filmit. (koha.mk)
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe